Tanymal jýrnalıst kólik salyǵyn tólemeıtin ánshilerdi atady

Foto: Stan.kz

Tanymal medıa mamany, jýrnalıst Gúlbaný Ánııatqyzy kólik salyǵyn tólemeıtin óner ókilderin atady, dep jazdy qandastar.kz

BAQ ókili ánshilerdiń salyq tóleýi esterinen shyǵyp ketetinin aıtty.

“Salyq tólemeı júrgen blogerlerdiń tizimi dep tarap jatyr eken. Aılyq múmkin jyldyq tabysy bálenbaı mln, tipti mlrd bar. Sonda bulardyń ınstagramnan tapqan kúndik tabysy qansha?! Baıaǵyda Salyq organdary kóliginiń salyǵyn tólemeıtin ánshi-ártisterdiń tizimin beretin edi. Erinbeı bárine habarlasyp shyǵatynbyz. Sonda “umytyp ketippin”, “qaıdaǵy qaryz” dep, tipti keıbiri qorqytatyn, “sen meniń kim ekenimdi bilesiń be?” degendeı. Qydyráli degen ánshi aýzyna kelgenin aıtyp boqtaǵany esimde. Eń qaryzy kóp Qaraqat ekeýi edi. Bul joly olar tizimde joq eken”, – dep jazdy jýrnalıst.

Stan.kz habarlaǵandaı,  buǵan deıin Qazaqstandyq bloger Álisher Elikbaev salyq komıtetiniń bul áreketine narazylyǵyn bildirgen edi. Aıtýynsha, munda kórsetilgen qarajat durys eseptelmegen jáne tipti burynnan salyq tóleıtin adamdarǵa da kelgen.

Odan keıin, qazaqstandyq telejúrgizýshi, aktrısa jáne júzdegen myń jazylýshysy bar bloger Darıa Aleksandrova salyq komıtetinen kelgen habarlamadan keıin jaǵdaıynyń nasharlaǵanyn jetkizgen edi.