تانىمال جۋرناليست مينيسترگە شاعىمداندى: «باتىس ەۋروپا – باتىس قىتاي» كولىك ءدالىزىنىڭ سيقىن كوردىڭىز بە?

فوتو: maksattolykbai ينستاگرام پاراقشاسىنان

تانىمال جۋرناليست, ساياساتكەر ماقسات تولىقباي كولىك ءمينيسترى مارات كارىمجان ۇلىنا ۇندەۋ جاريالادى, دەپ حابارلايدى Skifnews.kz اقپاراتتىق پورتالى.

«مۇنى جول دەپ ايتۋعا كەلمەيدى. ازاپتىڭ ازابى. كولىك ءمينيسترى مارات كارىمجان ۇلىنىڭ نازارىنا! ۆيدەونى كورىپ شىعىڭىز! «باتىس ەۋروپا – باتىس قىتاي» كولىك ءدالىزىنىڭ سيقى وسى…», – دەپ شاعىمدانعان.

«جوعارى جاققا, مينيستەرلىككە, ۇكىمەتكە مەديتسينالىق باقىلاۋدان (مەدرسموتر) تەك مەڭىرەۋ, كوكىرەگى سوقىر ادامداردى جۇمىسقا الا ما دەيمىن. ايتقاندى ەستىمەيتىن, ەستىسە دە ۇقپايتىن ادامداردى الا ما دەيمىن. بۇل جول تۋرالى ايتپاعان ادام جوق , بىراق ەستيتىن ادام جوق», «قارابۇتاق – بوگەتساي – حرومتاۋ – اقتوبە وسى ارا 200 كم سۇمدىق ەندى ايتارعا ءسوز جوق! حالىق ابدەن قينالدى, سونىڭ كەسىرىنەن جول اپاتتارى, ءتىپتى ادامدار دۇنيەدەن وزىپ جاتىر!», «مىنا جولدى نازارباەۆتىڭ كومانداسىنىڭ 50 دامىعان ەل قاتارىنا ەنگىزىپ كەتكەن قازاقستاننىڭ جولى دەۋ ۇيات», دەپ وقىرماندارى ءجۋرناليستىڭ ءسوزىن جاقتاپ پىكىر قالدىردى.