Tanymal ziltemirshi Almas О́teshov kúzetshi bolyp júr

Foto: Ashyq derekkóz

Kezinde aty dúrkirep turǵan otandyq ziltemirshilerdiń biri Almas О́teshov búginde Almatyda kúzetshi qyzmetin atqaryp júr, dep jazady Qandastar.kz. Bul týraly sportshynyń ózi «Ýaqyt kórsetedi» YouTube arnasyna bergen suhbatynda aıtty.

Álem chempıonatynyń kúmis júldegeri eshkimge kerek bolmaı qalǵany ókinishti dep otyr. О́mirin de, densaýlyǵyn da súıikti sportyna arnaǵan ol talaı qıyndyqty basynan ótkizgen.

«Qazaqta «Er jigittiń basyna neler kelip ketpeıdi» deıdi ǵoı. Qazir sondaı qıyndyqty bastan keshirip jatyrmyn.

Meniń túsinbeıtinim, belgili bir dárejege jetip kóterilseń, bári qolpashtaıdy. Qatelikke boı aldyryp, súrinseń, bári seni jek kórip ketedi. Osyny túsine almaı-aq qoıdym. Qolymnan kelgenniń bárin istedim. 230 keli salmaqty (bir buqa) basyńnan asyryp kótere salý degen ońaı emes. Sony kóterdik. Qazir omyrtqamnyń tórt jerinen gryjam bar. Ne aıtamyn, qazaǵymdy jaqsy kóremin, qazaq bolyp týǵanyma maqtanamyn. Biraq súrinseń, eshkimge kerek bolmaı qalady ekensiń. Sol qorlyqqa shydamaı Vladımır Sedov óz-ózine qol jumsady. Albert Lınder de aramyzdan erte ketti. Kezinde úkimet bizdi paıdalandy. Týdy kóterdik. Odan keıin eshkim bolmaı qaldyq. Omyrtqadan omyrtqa, tizeden tize qalmady», – dedi sportshy.

Árıne, aýyr atletterdiń sońǵy kezderi osyndaı halge túsýine dopıng daýy áser etkeni jasyryn emes. Ol sportshylardyń dopıng ishetini ras ekenin, oǵan sport salasyndaǵy basshylardyń ózderi múddeli ekenin aıtty.

«Propıonat, testosteron, stanozolol sııaqty garmonaldy preparattardyń bárin ishtik. Ony ishpeseń kótere almaısyń. Taza aǵzam 200 keliden artyq kóterýge shamasy jetpeıdi. Dopıngtiń kómegimen 230 kelige deıin bolady», – deıdi Almas О́teshov.

Ol sonymen qatar dosy Ilıa Ilın de ózi de halyqty aldaǵan joqpyz dep otyr.

«Dári-dármektiń bárin ózimiz jaıdan-jaı ishpeımiz. Bizde medıınalyq shtab, bas bapker, aǵa bapker bar, solar beredi», – deıdi sportshy.

Aýyr atlet eshqandaı ótemaqy almaıtynyn da alǵa tartty.

«Eshqandaı ótemaqy joq. Qazir Almatyda kúzetshi bolyp jumys isteımin», – dedi О́teshov.

Ziltemirshi sport mektepterine jumysqa shaqyrsa, bilek sybana kirisýge de daıyn ekenin aıtty. Biraq ázirge ondaı usynys joq eken.