جاڭالىقتار
«تاپقانىمىزدان 2 ەسە كوپ جۇمساپ جاتىرمىز»- ماۋلەن اشىمباەۆ ۇلتتىق قور تۋرالى
سەنات سپيكەرى ماۋلەن اشىمباەۆ ۇلتتىق قوردىڭ شىعىنى تۋرالى ايتى, دەپ حابارلايدى qandastar.kz.
بۇل تۋرالى سەناتتىڭ Telegram-داعى ارناسىندا جاريالاندى.
ء«بىز تاپقانىمىزدان ەكى ەسە كوپ جۇمساپ جاتىرمىز. بۇل قوسىمشا قاراجات قايدان كەلەدى? ۇلتتىق قوردان جانە قارىزداردان. ءبىز وسى شىعىندارمەن ينفلياتسيا مەن باعانى كوتەرەمىز. تيىسىنشە ۇلتتىق بانك پايىزدىق مولشەرلەمەنى كوتەرەدى, بىراق وسىلايشا ەلدەگى كاسىپكەرلىك بەلسەندىلىكتى, دەمەك ەكونوميكالىق ءوسۋدى شەكتەيدى.
ماسەلەنىڭ ەكىنشى بولىگى بار, ول ودان دا اۋىر بولۋى مۇمكىن. بيۋدجەتكە اۋدارىمدار ءۇشىن ۇلتتىق قوردان ءبىزدىڭ ىشكى ۆاليۋتا نارىعىنا دوللار ساتۋ كەرەك. سۇرانىس پەن ۇسىنىس زاڭى قايتادان قوسىلادى. وسىلايشا ءبىز تەڭگە باعامىن اسىرا باعالايمىز. بۇل جامان ەمەس شىعار. بىراق مۇنىڭ ىقپالى قانداي? ارتىق باعالانعان تەڭگە – قىمبات ەكسپورت جانە ارزان يمپورت.
بۇل دەگەنىمىز ءبىزدىڭ تاۋار وندىرۋشىلەرىمىز قىتايدان, رەسەيدەن, تۇركيادان جانە باسقا ەلدەردەن كەلگەن وندىرۋشىلەرمەن سالىستىرعاندا قولايسىز جاعدايعا تاپ بولىپ وتىر: ولار باعا تۇرعىسىندا ۇتىلىپ جاتىر, تيىسىنشە, تاعى دا ءبىزدىڭ ىشكى ءوندىرىسىمىز بەن ونەركاسىبىمىز ءوسىپ جاتقان جوق», – دەدى ماۋلەن اشىمباەۆ.
