«Tapqanymyzdan 2 ese kóp jumsap jatyrmyz»- Máýlen Áshimbaev Ulttyq qor týraly

Senat spıkeri Máýlen Áshimbaev Ulttyq qordyń shyǵyny týraly aıty, dep habarlaıdy qandastar.kz.

Bul týraly senattyń Telegram-daǵy arnasynda jarııalandy.

«Biz tapqanymyzdan eki ese kóp jumsap jatyrmyz. Bul qosymsha qarajat qaıdan keledi? Ulttyq qordan jáne qaryzdardan. Biz osy shyǵyndarmen ınflıaııa men baǵany kóteremiz. Tıisinshe Ulttyq bank paıyzdyq mólsherlemeni kóteredi, biraq osylaısha eldegi kásipkerlik belsendilikti, demek ekonomıkalyq ósýdi shekteıdi.

Máseleniń ekinshi bóligi bar, ol odan da aýyr bolýy múmkin. Bıýdjetke aýdarymdar úshin Ulttyq qordan bizdiń ishki valıýta naryǵyna dollar satý kerek. Suranys pen usynys zańy qaıtadan qosylady. Osylaısha biz teńge baǵamyn asyra baǵalaımyz. Bul jaman emes shyǵar. Biraq munyń yqpaly qandaı? Artyq baǵalanǵan teńge – qymbat eksport jáne arzan ımport.

Bul degenimiz bizdiń taýar óndirýshilerimiz Qytaıdan, Reseıden, Túrkııadan jáne basqa elderden kelgen óndirýshilermen salystyrǵanda qolaısyz jaǵdaıǵa tap bolyp otyr: olar baǵa turǵysynda utylyp jatyr, tıisinshe, taǵy da bizdiń ishki óndirisimiz ben ónerkásibimiz ósip jatqan joq», – dedi Máýlen Áshimbaev.