Tarazda 500-den astam órt gıdranty jaramsyz kúıde tur

Bir jaǵdaı bola qalsa, onyń 500-inen sý alý qıyn. Keıbiri buzylǵan. Jartysyna jýyǵy jol jóndeý jumystary kezinde bitelip, ne ornynan jyljyp ketken. Al el kóp júretin bazarlarda gıdrant degen atymen joq.

Blı: – Pojarnye rýkava jalǵaý úshin dostýp joq bizde, birinshiden. Ekinshiden, mynaý kóterilip turý kerek. Myna shetine tirelip qalady, buraǵanǵa kelmeıdi. О́te yńǵaısyz. Negizi osylaı turý kerek qoı. Jerden shyǵyp buraǵan kezde osylaı buralý kerek. Sońǵy jyldary qala kósheleri jańaryp ınfraqurylym jaqsarǵanymen, órt qaýipsizdigine mán berilmeı tur.

Sebebi jol salǵan qurylys kompanııalary gıdrantardy bitep, ne ornyn aýystyryp jibergen. Máselen qala aýmaǵynda 2250 órt qaýipsizdigi quraldary bolsa, onyń 529-y jaramsyz. Erbol Ámirov, Taraz qalalyq TJB bastyǵy: – Bul gıdranttar paıdalanýǵa berilgen kezde shtoktary jyljyp ketedi, jańaǵy lıýktary joq bolyp, alyp ketedi. Qoqystarǵa tolyp ketedi. Bizdiń tarapymyzdan jınalysta da qaralady. Jalpy aqparattyq hattar da joldanady. Biraq bul jumystar kishkene baıaý júrgizilýde.

Mereı Baet, tilshi: – Shahardaǵy bazarlarda TJ talaptary múldem saqtalmaǵan deýge bolady. Máselen biz turǵan aýmaqta 5 bazar bolsa, onyń tek bireýinde ǵana sý gıdranttary bar. Al myna «Omar ata» dep atalatyn saýda ornynda osydan 2 aı buryn órt bolǵan. Jalyn 350 sharshy metr aýmaqty jalmap ketti. TJD mamandary jaqyn aralyqta sý bolmaǵan sebepti jalynmen 5 saǵat boıy arpalysqan.

Tótenshelikter halyq kóp shoǵyrlanǵan áleýmettik nysandarda sý qurylǵylary mindetti túrde bolý kerek deıdi. Biraq oǵan qulaq asyp jatqan kásipkerler shamaly. Bazar basshylary gıdrantty ákimdik ornatsyn dese, qala bıligi bul kásipkerdiń tikeleı jaýapkershiligi, dep málimdedi. Qaırat Ismaıl, Taraz qalasy ákiminiń orynbasary: – О́zderi júrgizý qajet.

Mynaý ortalyq magıstraldy jelilerden servıstik jelilerdi tartý, onyń ishinde menshik nysany, ıaǵnı, jeke nysan bolǵannan keıin onyń óziniń ishinde júrgiziletin jumystarynyń bári sol menshik ıesi esebinen qamtylý kerek. Al qaladaǵy jaramsyz 529 gıdranttyń máselesi bıyl tolyqtaı sheshiledi. Sý qurylǵylarynyń jańasyn satyp alý úshin ákimdik 35 mln 845 myń teńge bólgen. Endi olardy ornatý úshin qosymsha 17 mıllıon teńge qarastyryp otyr. «Bul jumystar qyrkúıek aıyna deıin aıaqtalady», – deıdi qala ákiminiń orynbasary.