جاڭالىقتار
تارازدا اكىم قابىلداۋىنان شىققان تۇرعىن ءوز-ءوزىن ورتەپ جىبەرمەك بولدى
فوتو: ۆيدەودان سكرين
قالا اكىمىمەن كەزدەسۋگە كەلگەن تۇرعىن پاتەر كەزەگىنىڭ جىلجىمايتىنىن ايتىپ شاعىمدانعان.
تاراز تۇرعىنى قالا اكىمىنىڭ ەسەبىنەن سوڭ ءوز-ءوزىن ورتەپ جىبەرمەك بولعان. اتالعان جاعداي قالاداعى ءنومىرى 53-ءشى مەكتەپ-گيمنازيانىڭ ءدال الدىندا ورىن العان. بۇل تۋرالى qandastar.kz اقپارات پورتالى ينفورمبيۋرو باعدارلاماسىنا سىلتەمە جاساپ حابارلايدى.
قالا اكىمىمەن كەزدەسۋگە كەلگەن تۇرعىن پاتەر كەزەگىنىڭ جىلجىمايتىنىن ايتىپ شاعىمدانعان. الايدا باسشىنىڭ جاۋابىنا قاناعاتتانباعان ول وسىنداي قادامعا بارعان.
جەرگىلىكتى بيلىك مالىمەتىنشە, وت قويعان ازامات جالعىزباستى اكە. بولجام بويىنشا وزىنە قول سالۋىنا باسپانانىڭ جوقتىعى سەبەپ بولۋى مۇمكىن. وقيعا ورنىنا جەتكەن قۇتقارۋشىلار ازاماتتى امان الىپ قالدى. جاراقاتى دا جەڭىل. ءولىم اۋزىنان قالعان تۇرعىن پسيحيكالىق ديسپانسەردە ەسەپتە تۇر.
