تارازدا وقۋشى قىزدى جەزدەسى ءبىر جىل بويى زورلاپ كەلگەن

فوتو: اشىق دەرەككوز

تارازدا 15 جاستاعى قىزدى ءبىر جىل بويى جەزدەسى زورلاپ كەلگەن, دەپ حابارلايدى qandastar.kz

وقيعا قاتىستى پوليتسيا قىلمىستىق ءىس قوزعاعان. الايدا كامەلەتكە تولماعان قىز ءالى كۇنگە دەيىن ءىس بويى جابىرلەنۋشى دەپ تانىلماعان, ال كۇدىكتى بوستاندىقتا ءجۇر.

قىزدىڭ اناسىنىڭ ايتۋىنشا, قىزى ۇنەمى اپكەسىنىڭ ۇيىنە بارىپ, كىشكەنتاي بالالارىنا كۇتىم جاساۋعا كومەكتەسىپ جۇرگەن. سول ۋاقىتتا زورلىق-زومبىلىققا ۇشىراعانى انىقتالدى.

«مەن مۇنى كەلىنىمنەن ەستىدىم, مەنىڭ قىزىمدى جەزدەسى زورلاپ كەلگەن. قىزىم ۇندەمەگەن, بىراق اقىرىندا اپكەسىنە ايتقان. ەستىگەندە شوك بولدىم. ءبىز دەرەۋ وبلىستىق اۋرۋحاناعا بارىپ, تەكسەرۋدەن وتتىك, كۇدىكتەرىمىز راستالدى», — دەيدى قىزدىڭ اناسى.

ايەل پوليتسياعا قاڭتار ايىنىڭ سوڭىندا شاعىمدانعان. ايەلدىڭ ايتۋىنشا, كامەلەتكە تولماعان قىزدى زاڭدى وكىلىنىڭ قاتىسۋىنسىز تەرگەگەن.

ء«بىز پوليتسياعا حابارلاسىپ, تەرگەۋ باستالدى. الايدا تەرگەۋ بارىسىنا كوڭىلىم تولمايدى: مەنىڭ قىزىمدى پوليتسيا بولىمىندە پەدوفيلمەن جالعىز قالدىرعان, قىزىم دىرىلدەپ, جىلاپ تۇردى. مەن مۇنى بىلمەدىم. ەكى كۇننەن كەيىن ءبىزدى شاقىردى, كۇيەۋ بالامىزدىڭ ۇيىنە بارىپ, قىزىم نە بولعانىن كورسەتتى. بىراق بالا ءالى كۇنگە دەيىن جابىرلەنۋشى دەپ تانىلمادى, ال باستى كۇدىكتى بوستاندىقتا ءجۇر. مەن وتباسىم مەن بالالارىم ءۇشىن قورقامىن. پرەزيدەنتتەن بۇل ءىستى باقىلاۋعا الىپ, كىنالى ادامدى جازالاۋدى سۇرايمىن», — دەيدى ايەل.

كۇدىكتى تۋىستارىن اراعا سالىپ جابىرلەنۋشىنىڭ اناسىن قورقىتىپ, وزىنە قول سالاتىنىن ايتىپ قوقان-لوققى جاساعان كورىنەدى.

ء«بىز كۇدىكتىنى قاماۋعا الۋدى سۇرايمىز, سونداي-اق جابىرلەنۋشىنىڭ وتباسى ءۇشىن قورعانىس شارالارىن تالاپ ەتەمىز. ءىس اۋداندىق بولىمنەن تاراز قالاسىنىڭ پوليتسياسىنا تاپسىرىلدى», — دەدى وتباسىنىڭ ادۆوكاتى اليا ارزىمبەتوۆا.

اتالمىش ىسكە قاتىستى قالالىق پروكۋراتۋرا مالىمدەمە جاسادى.

ء«ىس 7 اقپاندا بىزگە ءتۇستى. ارنايى پروكۋرور تاعايىندالادى. تەرگەۋ سوتىندا ءبىز كامەلەتكە تولماعان قىزدىڭ ايعاقتارىن بەكىتۋدى تالاپ ەتەمىز», — دەدى تاراز قالاسىنىڭ باس پروكۋرورى نۇرجان بورانباەۆ.