Tarazda oqýshy qyzdy jezdesi bir jyl boıy zorlap kelgen

Foto: ashyq derekkóz

Tarazda 15 jastaǵy qyzdy bir jyl boıy jezdesi zorlap kelgen, dep habarlaıdy qandastar.kz

Oqıǵa qatysty polıııa qylmystyq is qozǵaǵan. Alaıda kámeletke tolmaǵan qyz áli kúnge deıin is boıy jábirlenýshi dep tanylmaǵan, al kúdikti bostandyqta júr.

Qyzdyń anasynyń aıtýynsha, qyzy únemi ápkesiniń úıine baryp, kishkentaı balalaryna kútim jasaýǵa kómektesip júrgen. Sol ýaqytta zorlyq-zombylyqqa ushyraǵany anyqtaldy.

«Men muny kelinimnen estidim, meniń qyzymdy jezdesi zorlap kelgen. Qyzym úndemegen, biraq aqyrynda ápkesine aıtqan. Estigende shok boldym. Biz dereý oblystyq aýrýhanaǵa baryp, tekserýden óttik, kúdikterimiz rastaldy», — deıdi qyzdyń anasy.

Áıel polıııaǵa qańtar aıynyń sońynda shaǵymdanǵan. Áıeldiń aıtýynsha, kámeletke tolmaǵan qyzdy zańdy ókiliniń qatysýynsyz tergegen.

«Biz polıııaǵa habarlasyp, tergeý bastaldy. Alaıda tergeý barysyna kóńilim tolmaıdy: meniń qyzymdy polıııa bóliminde pedofılmen jalǵyz qaldyrǵan, qyzym dirildep, jylap turdy. Men muny bilmedim. Eki kúnnen keıin bizdi shaqyrdy, kúıeý balamyzdyń úıine baryp, qyzym ne bolǵanyn kórsetti. Biraq bala áli kúnge deıin jábirlenýshi dep tanylmady, al basty kúdikti bostandyqta júr. Men otbasym men balalarym úshin qorqamyn. Prezıdentten bul isti baqylaýǵa alyp, kináli adamdy jazalaýdy suraımyn», — deıdi áıel.

Kúdikti týystaryn araǵa salyp jábirlenýshiniń anasyn qorqytyp, ózine qol salatynyn aıtyp qoqan-loqqy jasaǵan kórinedi.

«Biz kúdiktini qamaýǵa alýdy suraımyz, sondaı-aq jábirlenýshiniń otbasy úshin qorǵanys sharalaryn talap etemiz. Is aýdandyq bólimnen Taraz qalasynyń polıııasyna tapsyryldy», — dedi otbasynyń advokaty Alııa Arzymbetova.

Atalmysh iske qatysty qalalyq prokýratýra málimdeme jasady.

«Is 7 aqpanda bizge tústi. Arnaıy prokýror taǵaıyndalady. Tergeý sotynda biz kámeletke tolmaǵan qyzdyń aıǵaqtaryn bekitýdi talap etemiz», — dedi Taraz qalasynyń bas prokýrory Nurjan Boranbaev.