ءبىلىم
تارازداعى وقۋشى 54 جاستاعى اكەسىنەن بالا بوساندى
فوتو: اشىق دەرەككوز
تارازدا 16 جاستاعى وقۋشى قىز دۇنيەگە ءسابي اكەلدى. بوسانعان قىز تۇسكەن وبلىستىق پەريناتالدىق ورتالىقتىڭ قىزمەتكەرلەرى وقيعا تۋرالى پوليتسياعا مالىمدەگەن, دەپ حابارلايدى qandastar.kz
قورعاۋ ورگاندارى تەرگەۋدى باستاپ, نەگىزگى كۇدىك قىزدىڭ وگەي اكەسىنە تۇسكەن. ەر ادام ءوزىنىڭ قاتىسىن جوققا شىعاردى. بىراق ءارتۇرلى زەرتحانالاردا جۇرگىزىلگەن ەكى تاۋەلسىز دنق ساراپتاماسى ونىڭ بالانىڭ اكەسى ەكەنىن راستادى.
«پوليتسيا قىزمەتكەرلەرى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە قىلمىستىق ارەكەتتى جاسادى دەگەن كۇدىكپەن قىزدىڭ 54 جاستاعى وگەي اكەسى انىقتالىپ, ۇستالدى. قازىرگى ۋاقىتتا اتالعان فاكتى بويىنشا قىلمىستىق كودەكستىڭ 120-بابىنىڭ 3-1-بولىگى «كامەلەتكە تولماعان بالانى زورلاۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. بىرقاتار قاجەتتى سوت-مەديتسينالىق ساراپتامالار تاعايىندالدى. تەرگەۋ سوتىنىڭ سانكتسياسىمەن كۇدىكتى قاماۋعا الىندى», – دەلىنگەن جامبىل وبلىسىنىڭ پوليتسيا دەپارتامەنتىنىڭ حابارلاماسىندا.
