تارازداعى جانتۇرشىگەرلىك قايعىلى وقيعا: «الدىمەن ايەلىنە, ودان سوڭ ۇيىنە وت قويعان»

سۋرەت: pixabay

تارازدا وتباسىلىق جانجال كەزىندە ەر ادام ايەلىنىڭ ۇستىنە جانار-جاعارماي قۇيىپ ورتەپ جىبەرگەن. دەنەسىن تۇگەل كۇيىك شالعان – التى بالانىڭ اناسى اۋرۋحاناعا ءتۇسىپ جانساقتاۋ بولىمىندە تاڭعا قاراي جان تاپسىردى, دەپ حابارلايدى Zakon.kz.

ايەلدىڭ دەنەسىنىڭ 98 پايىزىن كۇيىك شالىپتى. وتباسىنىڭ ويرانىن شىعارعان جان تۇرشىگەرلىك جاعداي كەشە, 30 شىلدەدە تۇنگى 11-لەر شاماسىندا قالاداعى جەر ۇيلەردىڭ بىرىندە بولعان. باسپاناسى دا وتقا ورانعان. ۇيدە بالالارى بولىپتى. كۇيەۋى دە قايتىس بولدى. ونىڭ دەنەسىن ءۇيدىڭ ماڭىنان تاپقان. ال, اتا-اناسى مەن باسپاناسىنان ايرىلعان بالالاردىڭ ەڭ كىشىسى –  ۇشتە, ۇلكەنى – 22 جاستا, دەپ حابارلايدى Astana.tv.

«دەنەسىن كۇيىك شالعان ايەل اۋرۋحانادا قايتىس بولدى. كۇدىكتى وقيعا ورنىنان جاقىن ماڭنان ءولى كۇيىندە تابىلدى. الدىن الا بولجام بويىنشا, ول ءوز وزىنە قول جۇمساعان. اتالعان دەرەكتەرگە قاتىستى قاجەتتى ساراپتامالار تاعايىندالدى.جامبىل وبلىسى پد رەسمي وكىلى قۇندىز بوگەنباەۆا

بۇعان دەيىن تارازدا ەر ادام جانجال كەزىندە جۇبايىن ءولتىرىپ, سودان كەيىن ءۇيىن ورتەپ جىبەرگەنى, اقىرىندا ول ءوز-وزىنە قول جۇمساعانى حابارلانعان. كۇدىكتىنىڭ ءوزى تاياۋدا تۇرمەدەن بوساپ شىققانى بەلگىلى.