تارازدىق كاسىپكەرلەر «ايشا ءبيبى» كەسەنەسىنىڭ ءبىر بولىگىنە زاڭسىز يەلىك ەتىپ, ساۋدا جاساعان

فوتو: اشىق دەرەككوز

«ەجەلگى تاراز ەسكەرتكىشتەرى» تاريحي-مادەني قورىق-مۋزەيى جامبىل وبلىسىنىڭ بەس تۇرعىنىنىڭ ۇستىنەن جەردى پايدالانۋداعى كەدەرگىلەردى جويۋ تۋرالى سوتقا تالاپ قويۋمەن جۇگىنگەن, دەپ جازدى qandastar.kz

مۋزەي-قورىقتىڭ يەلىگىندە «ايشا-ءبيبى» كەسەنەسى بار, وعان 2 گەكتار جەر ۋچاسكەسى تۇراقتى جەر پايدالانۋ قۇقىعى بەرىلگەن.

بۇل ۋچاستوك اكىمنىڭ شەشىمى جانە جەر پايدالانۋ قۇقىعى تۋرالى اكتىسى بويىنشا ساۋىقتىرۋ, رەكرەاتسيالىق جانە تاريحي-مادەني ماقساتتارعا ارنالعان ەرەكشە قورعالاتىن تابيعي اۋماقتارعا جاتادى.

بۇل جەردە بىرنەشە تەحنيكالىق بولمەلەر سالىنعان. الايدا بەس كاسىپكەر بۇل عيماراتتاردى زاڭسىز يەمدەنىپ, ساۋدامەن  اينالىسىپ جاتىر.

مۋزەي-قورىق سوتقا جۇگىنىپ, كاسىپكەرلەردى وزدەرى تۇرىپ جاتقان عيماراتتاردى بوساتۋدى تالاپ ەتكەن, ويتكەنى جاۋاپكەرلەردە ساۋدا جاساۋعا رۇقساتتارى, سونداي-اق بۇل ءۇي-جايلاردى كاسىپكەرلىك ءۇشىن پايدالانۋ قۇقىعى مەن قۇجاتتارى جوق.

سونداي-اق تالاپ قويۋشى «ەجەلگى تاراز ەسكەرتكىشتەرى» تاريحي-مادەني قورىق-مۋزەيىنىڭ اۋماعىندا ساۋدا جاساۋعا تىيىم سالىنعانىن اتاپ وتكەن.

ءتورت جاۋاپكەر تالاپ قويۋدى مويىنداماعان, كاسىپكەرلەردىڭ ءبىرى داۋلى عيماراتتاردى 2010 جىلى ءوز قاراجاتىنا سالىپ, كەيىن ولارعا ساۋدا جاساۋ ءۇشىن تەگىن بەرگەنىن مالىمدەگەن. بەسىنشى جاۋاپكەر تالاپ قويۋدى مويىنداعان.

nege.kz حابارلاعانداي, جامبىل اۋداندىق سوتى كاسىپكەرلەر قورىق-مۋزەيگە تيەسىلى عيماراتتاردى زاڭسىز يەمدەنگەن دەگەن قورىتىندىعا كەلدى.

تالاپ قويۋ قاناعاتتاندىرىلدى: سوت كاسىپكەرلەرگە زاڭسىز يەلەنگەن ءۇي-جايدى بوساتۋدى مىندەتتەدى.

جاۋاپكەرلەر بۇل شەشىمگە اپەللياتسيالىق تارتىپپەن شاعىم تۇسىرگەن. الايدا, جامبىل وبلىستىق سوتى ءبىرىنشى ساتىداعى سوتتىڭ تۇجىرىمىمەن كەلىسىپ, شەشىمدى وزگەرىسسىز قالدىردى.

قاۋلى زاڭدى كۇشىنە ەندى.