Tarazdyq kásipkerler «Aısha bıbi» kesenesiniń bir bóligine zańsyz ıelik etip, saýda jasaǵan

Foto: ashyq derekkóz

«Ejelgi Taraz eskertkishteri» tarıhı-mádenı qoryq-mýzeıi Jambyl oblysynyń bes turǵynynyń ústinen jerdi paıdalanýdaǵy kedergilerdi joıý týraly sotqa talap qoıýmen júgingen, dep jazdy qandastar.kz

Mýzeı-qoryqtyń ıeliginde «Aısha-Bıbi» kesenesi bar, oǵan 2 gektar jer ýchaskesi turaqty jer paıdalaný quqyǵy berilgen.

Bul ýchastok ákimniń sheshimi jáne jer paıdalaný quqyǵy týraly aktisi boıynsha saýyqtyrý, rekreaııalyq jáne tarıhı-mádenı maqsattarǵa arnalǵan erekshe qorǵalatyn tabıǵı aýmaqtarǵa jatady.

Bul jerde birneshe tehnıkalyq bólmeler salynǵan. Alaıda bes kásipker bul ǵımarattardy zańsyz ıemdenip, saýdamen  aınalysyp jatyr.

Mýzeı-qoryq sotqa júginip, kásipkerlerdi ózderi turyp jatqan ǵımarattardy bosatýdy talap etken, óıtkeni jaýapkerlerde saýda jasaýǵa ruqsattary, sondaı-aq bul úı-jaılardy kásipkerlik úshin paıdalaný quqyǵy men qujattary joq.

Sondaı-aq talap qoıýshy «Ejelgi Taraz eskertkishteri» tarıhı-mádenı qoryq-mýzeıiniń aýmaǵynda saýda jasaýǵa tyıym salynǵanyn atap ótken.

Tórt jaýapker talap qoıýdy moıyndamaǵan, kásipkerlerdiń biri daýly ǵımarattardy 2010 jyly óz qarajatyna salyp, keıin olarǵa saýda jasaý úshin tegin bergenin málimdegen. Besinshi jaýapker talap qoıýdy moıyndaǵan.

nege.kz habarlaǵandaı, Jambyl aýdandyq soty kásipkerler qoryq-mýzeıge tıesili ǵımarattardy zańsyz ıemdengen degen qorytyndyǵa keldi.

Talap qoıý qanaǵattandyryldy: sot kásipkerlerge zańsyz ıelengen úı-jaıdy bosatýdy mindettedi.

Jaýapkerler bul sheshimge apellıaııalyq tártippen shaǵym túsirgen. Alaıda, Jambyl oblystyq soty birinshi satydaǵy sottyń tujyrymymen kelisip, sheshimdi ózgerissiz qaldyrdy.

Qaýly zańdy kúshine endi.