Tarıhı altyn! Golovkın short-trek quramasyn quttyqtady

Golovkınniń sózinshe, bul — qazaqstandyq short-trek úshin álemdik deńgeıdegi keshendi jarystardaǵy alǵashqy joǵary dárejeli júlde.

«Qazaqstan Ulttyq Olımpıadalyq komıteti atynan jáne óz atymnan Gleb Ivanchenko, Denıs Nıkısha, Mersaıd Jaqsybaev, Aıbek Nasen, Abzal Ájǵalıev jáne Ádil Ǵalıahmetovti Harbındegi qysqy Azııa oıyndarynda Qazaqstan quramasynyń alǵashqy altyn medalin jeńip alýymen shyn júrekten quttyqtaımyn!

Bul – qazaqstandyq short-trek úshin álemdik deńgeıdegi keshendi jarystardaǵy alǵashqy joǵary dárejeli júlde jáne myńdaǵan jankúıer osy tarıhı sáttiń kýási boldy. Búgin sizder jeńiske degen jigerlerińizdiń arqasynda laıyqty túrde tuǵyrdyń eń bıik satysyna kóterildińizder. Jáne kóp jyldan keıin Qazaqstannyń ánurany Azııa qurlyǵynyń qysqy dodasynda qaıta shyrqalady.

Sizderdi osy jeńiske jetelegen bapkerlerińizge erekshe alǵys aıtamyn. Bul jarqyn jeńis – búkil el úshin zor qýanysh. Raqmet, alǵa, Qazaqstan!», — dedi Gennadıı Golovkın.

Eske salaıyq, short-trekshiler Azııa oıyndarynda erler estafetasynyń qorytyndysy boıynsha el qorjynynaalǵashqy altyndy saldy. 

Bul Qazaqstan úshin osy Azııa oıyndaryndaǵy alǵashqy altyn medal boldy. Qazaqstan fınalda Japonııany (ekinshi oryn) jáne Qytaıdy (úshinshi oryn) basyp ozdy. Al favorıt Ońtústik Koreıa komandasy jazalaý upaılaryn aldy.