«تاريحتى بىرگە جاسايىق!» Sadraddin-ءنىڭ كونتسەرتىنە كىرۋ قۇنى بەلگىلى بولدى

فوتو: ۆيدەودان كادر

جاس ءارى تانىمال قازاقستاندىق ءانشى Sadraddin-ءنىڭ الماتىدا وتەتىن كونتسەرتىنە بيلەتتەر ساتىلا باستادى, – دەپ حابارلايدى Massaget.kz تىلشىسى.

بۇل تۋرالى ءانشى الەۋمەتتىك جەلىدەگى پاراقشاسىندا جازدى.

«مەنىڭ ءار باستامامنىڭ ءساتتى ءوتۋى سىزدەردىڭ ارقالارىڭىزدا. ال ەندى تاعى ءبىر باستاما: ورتالىق ستاديون, 30 مىڭ تىڭدارمان, 15 قىركۇيەك. وسى تاريحي كۇنى سىزدەردى ورتالىق ستاديوندا كۇتەمىن. بىلەمىن, وڭاي ەمەس, بىراق مەن سەنەمى! ءبىرىنشى اللا, سوسىن مەنى قولدايتىن, تىڭدايتىن تىڭدارمانعا سەنەمىن. مەن, Sadraddin, بارشا قازاقستاندىقتاردى جانە شەتەلدىك تىڭدارماندارىمدى الماتى قالاسىندا ورتالىق ستاديوندا وتكەلى جاتقان ءوزىمنىڭ ەڭ ۇلكەن كونتسەرتىمە شاقىرامىن. قۇرمەتتى تىڭدارمان, مەن ءسىزدى كۇتەمىن, تاريحتى بىرگە جاسايىق!» – دەدى ول.

بيلەتتىڭ باعاسى 5-10 مىڭ تەڭگە ارالىعىندا. مۇنداي باعا قويعانىنىڭ سەبەبىن ءانشى ستۋدەنتتەردىڭ قالاعا اعىلىپ كەلىپ جاتقان ۋاقىتىمەن بايلانىستىردى. ستۋدەنتتەر ءۇشىن قولجەتىمدى باعا جاساۋعا تىرىسىپتى.