تاسقىننان كەلگەن زالالدى وتەۋگە 21 مىڭنان اسا قازاقستاندىق ءوتىنىم بەردى

اتىراۋ, باتىس قازاقستان, قوستاناي, سولتۇستىك قازاقستان جانە رەسپۋبليكانىڭ باسقا دا بىرقاتار وبلىسىنىڭ تۇرعىندارى ارنايى قۇرىلعان وڭىرلىك كوميسسيالارعا ءتيىستى وتىنىشتەرىن بەرىپ جاتىر. بۇگىندە 21 مىڭ 658 ءوتىنىم قابىلداندى.

بيىلعى 26 ساۋىردەگى جاعداي بويىنشا 12 642 وتباسى 100 اەك مولشەرىندە 4,5 ملرد-تان استام تەڭگە كولەمىندە بىرجولعى تولەم الدى. شىعىن بولعان مال باسى ءۇشىن بەرىلەتىن تولەم كولەمى 211,5 ملن تەڭگەگە جەتتى.

بۇگىندە زارداپ شەككەن وڭىرلەردە 3 871 تۇرعىن ءۇي تەكسەرىلىپ, 2 230 نىساندا باعالاۋ جۇمىستارى جۇرگىزىلدى. 468 ۇيدە جوندەۋ جۇمىستارىن جۇرگىزۋگە 645 ملن-نان استام تەڭگە قاراجات ءبولىندى.

اقمولا, قوستاناي جانە پاۆلودار وبلىستارىندا 49 وتباسىعا قيراعان باسپانالارىنىڭ ورنىنا ۇيلەر مەن پاتەرلەر بەرىلدى.