Jańalyqtar
Tasqynnan kelgen zalaldy óteýge 21 myńnan asa qazaqstandyq ótinim berdi
![](https://qandastar.kz/wp-content/uploads/2024/04/IMG_5315-2-650x405.jpeg)
Atyraý, Batys Qazaqstan, Qostanaı, Soltústik Qazaqstan jáne respýblıkanyń basqa da birqatar oblysynyń turǵyndary arnaıy qurylǵan óńirlik komıssııalarǵa tıisti ótinishterin berip jatyr. Búginde 21 myń 658 ótinim qabyldandy.
Bıylǵy 26 sáýirdegi jaǵdaı boıynsha 12 642 otbasy 100 AEK mólsherinde 4,5 mlrd-tan astam teńge kóleminde birjolǵy tólem aldy. Shyǵyn bolǵan mal basy úshin beriletin tólem kólemi 211,5 mln teńgege jetti.
Búginde zardap shekken óńirlerde 3 871 turǵyn úı tekserilip, 2 230 nysanda baǵalaý jumystary júrgizildi. 468 úıde jóndeý jumystaryn júrgizýge 645 mln-nan astam teńge qarajat bólindi.
Aqmola, Qostanaı jáne Pavlodar oblystarynda 49 otbasyǵa qıraǵan baspanalarynyń ornyna úıler men páterler berildi.