Tasqynnan jınalǵan sý qaıda jiberilip jatyr? – mınıstrlik jaýap berdi

Sý resýrstary jáne ırrıgaııa mınıstrliginiń resmı ókili Móldir Ábdýalıeva Qazaqstannyń sý qoımalaryna mol sý jınalǵanyn aıtty,-dep habarlaıdy Qandastar.kz

Jalpy alǵanda, Qazaqstannyń sý qoımalarynda 75 mlrd tekshe metr sý jınaldy. Bul ótken jylmen salystyrǵanda 15 mıllıard tekshe metrge artyq. Salystyrý úshin: byltyr elimizdiń aýylsharýashylyǵy salasyna 14 mlrd tekshe metr sý jumsaldy. Al 2023 jyldyń qorytyndysy boıynsha respýblıkanyń jalpy paıdalanǵan sý kólemi 24,4 mlrd tekshe metr, – spıker OKQ-da ótken baspasóz máslıhatynda.

Onyń sózinshe, sý qoımalarynda jınalǵan sýdyń 12 mlrd-tan astamy tasqyn sýy, bul ótken jyldyń kórsetkishinen 2,5 ese kóp.

12,4 mlrd tekshe metr tasqyn sýy elimizdegi kólderge, lımandarǵa jáne tabıǵı shabyndyqtarǵa jiberildi. Atap aıtqanda, lımandarǵa 1,2 mlrd, kólderge 4,5 mlrd, sýarmaly shabyndyqtarǵa 6,7 mlrd tekshe metr sý jiberildi. Sý tasqyny kezinde Balqash kóline 3,3 mlrd tekshe metr, al Kaspıı teńizine shamamen 6 mlrd tekshe metr sý jiberildi. 80 mln tekshe metr tasqyn sýy BQO Qamys-Samar kólderine jiberildi, bul kólderge shamamen 20 jyl boıy sý barmaǵan, – dedi Móldir Ábdýalıeva.