تاسقىننىڭ بەتىن قايتارۋعا اتسالىسقاندار ماراپاتتالدى

ەلىمىزدىڭ باتىسى مەن سولتۇستىگىندەگى سۋ باسقان وڭىرلەرگە الەۋمەتتىك كومەك كورسەتۋ ماقساتىندا ۇيىمداستىرىلدى. قالا اكىمى سۋ تاسقىنىمەن كۇرەستە ەڭبەگى سىڭگەن تۇرعىنداردى ماراپاتتادى.

اباي الاڭىندا اۋقىمدى مەرەكەلىك كونتسەرت ۇيىمداستىرىلدى. ماقسات – حالىقتى بىرلىككە جۇمىلدىرۋ, يگى ىسكە ۇلەس قوسۋ. شارا بارىسىندا تاسقىننىڭ بەتىن قايتارۋعا بەلسەنە ۇلەس قوسقاندار ماراپاتتالدى. ولاردىڭ قاتارىندا قازاقستان حالقى اسسامبلەياسىنىڭ وكىلدەرى مەن ەرىكتىلەر, قيىن-قىستاۋ كەزەڭدە ورتاق ىسكە جۇمىلعان جاناشىر ازاماتتار بار. الماتى قالاسىنىڭ اكىمى ەربولات دوساەۆ وسىنداي 32 بەلسەندىگە العىسحات تابىس ەتتى.

سونىڭ ءبىرى دولكۋنتاي ابدۋحاليل الماتىداعى جەدەل شتابقا جەتەكشىلىك ەتىپتى.  دولكۋنتاي ابدۋلحاليل, قازاقستان ۇيعىرلارى رەسپۋبليكالىق ەتنومادەني ورتالىعىنىڭ توراعاسى: – مىنا ەكى «فۋرادا» «رەزينا» ەتىكتەر بار, سوسىن قايىقتار بار. ودان كەيىن كورپە بار جانە تاماقتارى دا بار. ەكىنشى كەزەڭدە قازىر قۇرىلىس زاتتارىنا دا ءبىز تىرىسىپ جاتىرمىز. ويتكەنى ءۇيدىڭ ءۇستىن جابۋ كەرەك, وعان ءارتۇرلى «پروفناستيل» بولادى. وعان دا اتسالىسامىز. بىرلىك كۇنىنە ارنالعان شارادا قايىرىلىمدىلىق جارمەڭكەسى دە ۇيىمداستىرىلدى.

وندا 10-نان اسا مەيرامحانا جۇمىس ىستەدى. ساتىلىمنان تۇسكەن قاراجات سۋ تاسقىنى سالدارىن جويۋعا اۋدارىلادى. قالا تۇرعىندارى باتىس پەن سولتۇستىككە وسىلاي كومەك قولىن سوزدى. ساۋالناما: – وزبەك ەتنومادەني بىرلەستىگى دە ءوزىنىڭ ۇلەسىن قوسىپ, 6 ميلليونعا جۋىق گۋمانيتارلىق كومەك كورسەتتى. بۇگىن وسى مەيرام قارساڭىندا بارشا قازاقستاندىقتاردى بىرلىك كۇنىمەن شىن جۇرەكتەن قۇتتىقتايمىن. – ەلىمىزدەگى سۋ باسقان وڭىرلەرگە كومەك رەتىندە مەرەكەلىك شارا ۇيىمداستىرعان جانە گاستروفەستيۆال بولادى ەكەن. وتانداستىرىمىزدىڭ بىرلىگى ءۇشىن شىن قۋانىپ تۇرمىن. ەلىمىز امان بولسىن! – بىرلىكپەن ەگەر دە سول قاراجات تالان-تاراجعا ءتۇسىپ كەتپەي, مەملەكەت باسشىلارى قولعا الىپ, حالىقتىڭ قامىن ويلاسا, ول ماسەلە جاقسى شەشىلۋ كەرەك.

مەرەكەلىك شارا قايىرىمدىلىق كونتسەرتپەن جالعاستى. ءار ۇلتتىڭ اندەرى ايتىلىپ, وتاندىق جانە تۇركىتىلدەس ەلدەردەن كەلگەن انشىلەر دە ونەر كورسەتتى.