Jańalyqtar
Táýelsiz Orda.kz saıtyn kim quryqtamaq? Bas redaktor Gúlnár Bajkenovany shetqaqpaılaý kimge tıimdi?
Orda.kz redakııasy men bas redaktor Gúlnár Bajkenova jarty jyldan beri qýdalaýǵa, qoqan-loqy men únemi bolatyn qysymǵa ushyrap keledi. Bizdiń qyzmetkerlerimiz turatyn jerge beıtanys adamdar kelip, ózderin polıııa qyzmetkeri retinde tanystyryp, kórshilerden suraq-jaýap alyp, jasandy sýretterdi kórsetip, jýrnalıstiń izdeýde júrgenin aıtyp ketken jaǵdaılar da tirkelip jatyr, dep jazdy Orda.kz qandastar.kz-ke silteme jasap.
Redakııa qyzmetkerleriniń jeke telefon nómirleri OLX baǵdarlamasy jarnamalarynda órip júr. Mysaly, turmystyq tehnıka, satylatyn kúshikter men mysyqtar, sondaı-aq sheteldegi jynystyq qyzmet týraly jalǵan habarlandyrýlarda qyzmetkerlerimizdiń nómirleri kórsetilgen. Bul nómirler avtosalondar, medıınalyq ortalyqtar, daǵdarys ortalyqtary men basqa da kommerııalyq uıymdardyń baılanys nómiri retinde de kórsetilip jatyr. Sonyń saldarynan qyzmetkerler táýlik boıy qońyraý men habarlamalardyń astynda qaldy. Bul másele áriptesterimizdiń jumysyna kedergi keltirip, jeke ómiriniń shyrqyn buzdy.
Jýrnalısterdiń aty-jóni men fotosýretterin paıdalanyp, áleýmettik jelide jalǵan paraqshalar da ashyldy. Olardyń atynan jalǵan aqparat jarııalandy. Tipti, bas redaktor Gúlnár Bajkenovanyń qaıtys bolǵany jóninde jalǵan málimdeme jarııalandy.
Jasyryn chattarda jýrnalısterdiń densaýlyǵy men ómirine qaýip tóndiretin qoqan-loqy aıtylyp jatyr.
Sonymen qatar «Orda» redakııasynyń áleýmettik jeli paraqshalaryna spam-shabýyldar jasaldy. Esh negizsiz shaǵymdardyń kesirinen TikTok pen Facebook paraqshalary buǵattaldy. Instagram paraqshasy eki ret buǵattalyp, tek Meta kompanııasy aralasyp, aqparattardy saralaǵan soń qaıta ashyldy. Osy aptada bas redaktorymyzdyń jeke paraqshasy buzylyp, hakerler shabýyl jasady.
Osy oqıǵalardyń bárin redakııa buǵan deıin de jarııalaǵan edi. Endi quqyq qorǵaý organdaryna resmı ótinish daıyndap jatyr. Alaıda bul iste ádil tergeý júrgizile qoıady degen úmit az.
Bizge qarsy uıymdastyrylyp jatqan bul shabýyldardyń artynda qolynda bıligi bar, ákimshiliktegi resýrstarǵa qoly jetetin, qarjysy men yqpaly bar adamdar turǵany anyq. «Orda» redakııasy eshbir buǵaýǵa kónbegen soń, jýrnalısterimizdi qýǵyndap, qorqyta bastady. Joǵaryda aıtqan shabýyldardyń bári sodan bastaldy.
Táýelsiz aqparat quralyna ústemdik júrgizý úshin barynsha áreket etken keıbir kúshter aqyry bas redaktordan «Ordany» ózge «táýelsiz» medıalar shoǵyrlanǵan biryńǵaı ortalyqqa ótkizýdi talap etken. Bul talaptan bas tartylǵannan keıin, basylymdy reıderlik jolmen tartyp alý, ıaǵnı zańdy tulǵany kúshpen ıemdený arqyly redakııany basyp alý jospary iske qosyldy.
Mundaǵy maqsat – «OrdaMedia.kz» JShS-niń negizin qalaýshysy, bas redaktory jáne bas dırektory Gúlnár Bajkenovany shetqaqpaılap, yqpaldy aqparat quralyn ashsa alaqandarynda, jumsa judyryqtarynda ustaý.
Bul qastyqty kim uıymdastyryp otyr? Qazaqstandaǵy medıakeńistikti kim baqylaýǵa alǵysy keledi? Táýelsiz BAQ-tar kimniń jolyna kese kóldeneń turdy? Qazaqstanda Kandelakı men Sımonıan sııaqty bolǵysy keletinder kimder?
Qadirli oqyrman, osy suraqtardyń jaýabyn biz aldaǵy baspasóz máslıhatynda ashyq aıtyp berýdi jón kórdik.
Redakııa baspasóz máslıhaty ótetin kún men ýaqytyn aldyn-ala qosymsha habarlaıdy.
