جاڭالىقتار
«تاۋەلسىزدىك ۇرپاقتارى» گرانتى يەگەرىنىڭ جوباسى ەل ەمحانالارىندا پايدالانىلماق
فوتو: اشىق دەرەككوز
2023 جىلى الماتىلىق نۇرلان بەيىمبەت «اقپاراتتىق تەحنولوگيالار» باعىتى بويىنشا «تاۋەلسىزدىك ۇرپاقتارى» گرانتىن جەڭىپ الدى. مەملەكەتتىك قولداۋدىڭ ارقاسىندا ول پاتسيەنتتەردىڭ ءومىر ءسۇرۋ ساپاسىن جاقسارتۋعا جانە دەنساۋلىق ساقتاۋداعى شىعىنداردى ازايتۋعا باعىتتالعان ءوزىنىڭ IT جوباسىن جۇزەگە اسىرا الدى, دەپ جازادى qandastar.kz
بۇل – سوزىلمالى جۇرەك جەتكىلىكسىزدىگى, ارتەريالىق گيپەرتەنزيا, قانت ديابەتى سياقتى دياگنوزدارى بار ديسپانسەرلىك ەسەپتەگى ناۋقاستارعا ارنالعان qMed پلاتفورماسى. ولار كۇنىنە ەكى رەت ساۋالنامادان وتەدى, ناتيجەسىنە ساي باعدارلاما ولاردىڭ دەنساۋلىق جاعدايىن انىقتايدى. ەگەر قالىپتى جاعدايدان ءسال وزگەرىس بولسا, ناۋقاس ونلاين تاعايىندامالار الادى. ەگەر قاۋىپ-قاتەر جوعارى بولسا, بۇل تۋرالى ۋچاسكەلىك دارىگەرگە حابارلانادى.
بۇل الگوريتم دەنساۋلىق ساقتاۋ مينيسترلىگىنىڭ تۇجىرىمداماسى شەڭبەرىندە ازىرلەندى. جوبا الماتىداعى ەكى مەديتسينالىق مەكەمەدە ءساتتى جۇزەگە اسىرىلدى. جاقىندا ونى استانا ەمحانالارىنىڭ بىرىندە دە قولدادى. پلاتفورمانى بارلىعى 1000-نان استام ناۋقاس پايدالانادى.
نۇرلان بەيىمبەت پايدالانۋشىلاردىڭ گەوگرافياسى مەن پلاتفورمانىڭ فۋنكتسياسىن كەڭەيتۋدى جوسپارلايدى. تار اۋقىمدى دارىگەرلەردىڭ, پسيحولوگتىڭ, الەۋمەتتىك قىزمەتكەردىڭ, سونداي-اق سالاۋاتتى تاماقتانۋ مەكتەبىنىڭ قىزمەتتەرى قولجەتىمدى بولادى.
ەستەرىڭىزگە سالا كەتەيىك, قر مادەنيەت جانە اقپارات مينيسترلىگىمەن «تاۋەلسىزدىك ۇرپاقتارى» گرانتىن 2021 جىلدان باستاپ, مەملەكەت باسشىسىنىڭ باستاماسى بويىنشا دارىندى جاستاردى مەملەكەتتىك قولداۋ ماقساتىندا تاعايىندالادى.
