Taksı júrgizýshilerine jaqsy habar

Foto: Tengrinews.kz

Qazaqstandyq taksı júrgizýshilerine jeke kásipker retinde tirkelý mindettelmeıtin boldy, dep jazady inbusiness.kz saıty.

Elektrondy úkimet portalynda Jańa salyq kodeksiniń jobasy jarııalandy. Onda qoldanystaǵy zańǵa birqatar jańa rejımder qosyldy.

Jańa rejım boıynsha budan bylaı taksı júrgizýshilerine jeke kásipker retinde tirkelýdiń qajeti joq. Bul zań aldaǵy jyldyń 1 qańtarynan bastap kúshine enedi.

Osy ýaqytqa deıin taksısterge jeke kásipker retinde tirkelip, bankten arnaıy kásipkerlik shot ashyp, jumys isteý mindettelgen edi.

Ulttyq ekonomıka vıe-mınıstri Amrın Azamat taksı júrgizýshileri eń tómengi 4 paıyzdyq biryńǵaı tólem jasap, ózin-ózin jumyspen qamtyǵandar sanatynda qyzmetin kórsete alatynyn habarlady.

«Biryńǵaı tólemge mindetti zeınetaqy jarnalary, áleýmettik aýdarymdar jáne medıınalyq saqtandyrý jarnalary kiredi. Bul rejımde tabys aıyna 1,25 mıllıon teńgeden aspaýǵa tıis», – dedi ol.

Degenmen bul ózgeris barlyq taksı júrgizýshilerine arnalmaǵan. Atalǵan rejımde jumys isteý úshin aılyq eseptik kórsetkishińiz 340-tan aspaýǵa tıis. Bul bir mıllıon eki júz elý myń teńgege teń.

Taksı júrgizýshileriniń jolaýshylardan qolma-qol aqshasyz tólemdi qabyldaýdan bas tartýy zańsyz ekenin eske salamyz. О́ıtkeni bul tutynýshylardyń quqyqtaryn buzý bolyp sanalady.

Eger taksı júrgizýshisi salyq tólegisi kelmeı, onyń qyzmetine qolma-qol aqsha tóleýdi surasa, oǵan birinshi ret eskertý, ekinshi rette 15-ten 50 AEK-ke deıin (55 380 teńge nemese 184 600 teńge) aıyppul salynady.

Dál osyndaı jaza baqylaý kassalyq mashınalardy paıdalanbaıtyn jáne satyp alýshyǵa chek bermeıtin kásipkerlerge de qoldanylady.