«Taıaq jep óstik»: Sáken Maıǵazıev balany basynan urǵan ájeniń vıdeosyn jarııalady

Foto: ashyq derekkóz

Ánshi áleýmettik jelige nemerelerin baǵyp otyrǵan ájeniń vıdeosyn júktegen.

Sáken Maıǵazıev ájeler mektebi týraly másele qozǵady, dep habarlady turkystan.kz.

“Ájeńniń túıip qalǵany  men atańnyń nuqyp qalǵany, anańnyń aıqaıy men ákeńniń ashýly kózqarasy maıdaı jaǵatyn kezder-aı! Myna beınebaıannan shynaıylyqty, tárbıeni, tazalyqty, janashyrlyqty kórdim. Ájeniń nemerege, nemereniń ájege degen kirshiksiz mahabbatyn kórdim.

«Jasóspirim jaraqaty» (detskaıa travma) degendi qyryq jasyma kelgende psıhologtan estidim», degen eken bir kisi. Psıhologııalyq jaraqat almaı-aq, muǵalimderden (apaı, aǵaı), aǵa, ápkelerimizden taıaq jep óstik qoı deım(in) da. Qazir zaman basqa.

Aqsaqaldar akademııasy, otbasy ınstıtýty, jazylmaǵan dala zańy, asyl dinimizben astasyp, sabaqtasqan salt-dástúr, ádet-ǵuryp, yrym-tyıym, úlkenge qurmet, kishige izet syndy qundylyqtardy qaıtarý arqyly ult bolyp qalamyz dep oılaımyn.

Myna kórinistiń sońynda besiktegi balapannyń ájesiniń qolyn súıgeni erekshe áser etti. Qatty súısindim. Mine naǵyz mahabbat! Ár áýlette atanyń bergen buıryǵy, ájeniń aıtqan aqyly sherý qursyn! Juma múbárak, jaqsylarym! “- dep jazdy ánshi.