Taıaý Shyǵystaǵy qaqtyǵys: Irannan 109 otandasymyz evakýaııalandy

Foto: syrtqy ister mınıstrligi

Syrtqy ister mınıstrligi Irannan 109 otandasymyz evakýaııalanǵanyn málimdedi, dep jazdy qandastarz.k

Bul týraly Stan.kz aqparat agenttigi habarlaıdy.

«Taıaý Shyǵystaǵy jaǵdaı qarqyndy shıeleniskende Qazaqstan óz azamattaryn Iran Islam Respýblıkasynyń aýmaǵynan evakýaııalaýdy jedel uıymdastyrdy. Úılesimdi jumys pen vedomstvoaralyq ózara is-qımyldyń joǵary deńgeıiniń arqasynda Qazaqstannyń syrtqy ister mınıstrligi, quzyretti memlekettik organdary men sheteldegi dıplomatııalyq ókildikteri 109 otandasymyzdy elge qaıtardy», – delingen mınıstrlik habarlamasynda.

Vedomstvo málimetinshe, evakýaııa dostas memleketter aýmaqtary arqyly tranzıtpen iske asyrylǵan. Atap aıtqanda, 89 adam Irannan Túrikmenstan arqyly jáne 20 adam Ázirbaıjan arqyly ótti.

Foto: syrtqy ister mınıstrligi

«Barlyq azamatqa konsýldyq-quqyqtyq kómek kórsetildi jáne Otanǵa oralý úshin qajet jaǵdaı jasaldy», – deıdi syrtqy ister mınıstrligi ókilderi.

Syrtqy ister mınıstrligi Iran, Túrikmenstan jáne Ázirbaıjan bıligine qazaqstandyqtardyń búkil baǵyty boıynsha qaýipsiz jáne ýaqytyly ótýin qamtamasyz etýde mańyzdy ról atqarǵan kómek pen nátıjeli ózara is-qımyl kórsetkeni úshin rızashylyǵyn bildiredi.

«Evakýaııalyq is-sharalardy daıyndaý jáne ótkizý barysynda qazaqstandyq dıplomattar táýlik boıy jergilikti bılikpen is-qımyldy úılestirip, marshrýttardyń logıstıkasyn qamtamasyz etti. Sondaı-aq quzyretti organdarmen ózara is-qımyl jasady jáne otandastarymyzǵa qajet qoldaýdy kórsetti. Qysqa merzimde 200-den astam azamatymyz habarlasyp, olarǵa kómek kórsetildi. Irandaǵy barlyq qazaqstandyqpen úzdiksiz baılanys ornatylyp, olardyń aldyn ala kelisilgen tranzıttik baǵyttary boıynsha júrip-turýy uıymdastyryldy», – delingen habarlamada.

Mınıstrlik ókilderi otandastarymyzdy elge qaıtarý boıynsha jumys jalǵasyp jatqanyn jáne basqa quzyretti vedomstvolarmen birlesip Qazaqstan azamattaryn Izraıl memleketinen evakýaııalaý máselesi pysyqtalyp jatqanyn málimdedi.