«تازا قازاقستان» ءار اۋلا, ءار اۋىلدان باستالادى

مەملەكەت باسشىسى جاريالاعان «تازا قازاقستان» ەكولوگيالىق اكتسياسى  بۇكىل ەلدى جۇمىلدىرعان ەرەكشە باستاماعا اينالدى. قورشاعان ورتاعا, تۋعان ولكەگە دەگەن سۇيىسپەنشىلىك شالعايداعى ەل-جۇرتتىڭ باسىن بىرىكتىردى.

ماسەلەن اباي وبلىسى كوكپەكتى اۋدانى, كوكجايىق اۋىلىنىڭ تۇرعىندارى تازالىق اكتسياسىنا جاپپاي ات سالىستى. «قۇتتى مەكەنگە دەگەن قۇرمەت وسىلاي  بولسا كەرەك», — دەيدى ولار. كوكجايىق — كوكپەكتى اۋدانىنداعى بىرلىگى جاراسقان, ءتۇتىنى ءتۇزۋ,تىرلىگى قىزۋ  اۋىل. مىڭعا جۋىق ادام تۇرادى. پرەزيدەنت تاپسىرامسىمەن باستالعان «تازا قازاقستان» اكتسياسىنا  وسى اياداي  ەلدىمەكەن تۇرعىندارى تايلى-تاياعى قالماي قاتىستى.

ساياباقتار مەن الاڭدار, كوشەلەر مۇنتازداي بولدى. ەڭبەككە جۇمىلعان ەل-جۇرتقا قاريالار دا ريزا. جۇمابەك مەيىرمانوۆ, كوكجايىق اۋىلى اقساقالدار كەڭەسىنىڭ مۇشەسى: — بولاشاق جاستاردىكى عوي,ءبارىمىز دە جاس بولعانبىز,ءبارىمىز دە وسىنداي ىسكە قاتىسقانبىز.مىنا جاستاردىڭ ىستەپ جاتقان جۇمىستارىنا قاراپ ءوزىمىز  قۋانىپ تۇرمىز.بولاشاقتا دا,وسى ەستافەتانى قولدارىنان تۇسىرمەيدى دەپ ويلايمىن. رينات قۇماربەكوۆ ەركىن كۇرەستەن جاتتىقتىرۋشى. بۇگىن شارشى الاڭدى تاستاپ, ءوزى شىنىقتىرىپ جۇرگەن جاستارمەن بىرگە ساياباققا كەلدى. «جەتكىنشەكتەردى سپورتقا عانا ەمەس, تازالىق پەن جاۋاپكەرشىلىككە باۋلۋ دا ماڭىزدى»,- دەيدى ول.

رينات قۇماربەكوۆ, جاتتىقتىرۋشى: — ەڭبەكتەگەن بالادان تاياق ۇستاعان اتالارىمىزعا دەيىن ءجۇر,اقساقالدارىمىزعا دەيىن.وسىنداي اكتسيا ۇيىمداستىرىلىپ وتىرعانى وتە كەرەمەت,جان جاقتان كەپ كومەكتەسىپ جاتىر,قانشاما تەحنيكا ءجۇر اۋىلدا. سەرىكبول مۇرات ۇلى, وقۋشى: — كلاستاستارىمىزبەن كەپ وسى ساياباقتى تازالاپ ءجۇرمىز. ءبىزدىڭ اۋىلعا كوپتەگەن تۋريستەر كەلەدى سوندىقتان ءبىز ءوزىمىزدىڭ اۋىلدى كورسەتۋ ءۇشىن وسىنداي اكتسياعا قاتىسىپ جاتىرمىز.

تازالىق اپتالىعىنا ءار اۋلا, ءار وتباسى قۋانا قاتىستى. اۋىل شەتىنە كىرگەن تاسقىننىڭ دا ءىزى قالعان جوق. جالپى ەكولوگيالىق شارا باستالعالى بەرى 200 توننادان اسا كۇل-قوقىس شىعارىلدى.