«تازا قازاقستان». كىمنىڭ «جاسىل كوشەدە» تۇرعىسى كەلەدى?

قىزىلوردا وبلىسى, جالاعاش اۋدانىندا «جاسىل كوشە» بايقاۋى باستالدى. «تازا قازاقستان» اكتسياسى اياسىندا وتەتىن شارادا تۇرعىندار ءوزارا سىنعا تۇسەدى. ولار ءوزى تۇراتىن كوشەنى كۇل-قوقىستان تازالاپ, اباتتاندىرادى.

ۇيىمداستىرۋشىلاردىڭ ايتۋىنشا, يگى ءىس وسكەلەڭ ۇرپاققا ۇلگى بولادى. جالاعاش كەنتىندەگى بۇقارباي باتىر اتىنداعى كوشەنىڭ تۇرعىندارى كوكتەم شىعا تال-تەرەكتىڭ كۇتىمىن جاساۋدى ادەتكە اينالدىرعان. جازدا سايا بولاتىن اعاشتىڭ ءتۇبىن قوپسىتىپ, اكتەپ, زيانكەستەردەن قورعايدى. ءزۇبايراش كارىموۆا, كەنت تۇرعىنى: — جەمىس بولسىن, باسقا بولسىن كوگەرسە بولدى, ەگىڭدەر دەپ نەمەرەمىزگە, ەككىزدىك.

وقۋشىلار, كىشكەنتايلارىمىزعا دەيىن قولىنا بىرنارسە بەرىپ, جاتقان قاعازدى الىپ جۇرىڭدەر, جاتقان بىردەڭەلەردى جيناپ جۇرىڭدەر دەپ ۇيرەتەمىز عوي ەندى. «تازالىق – تابالدىرىقتان باستالادى». بۇل كوشەنىڭ جاستارى ۇلكەندەر ايتقان وسى قاعيدانى بەرىك ۇستانادى. راسىندا ءۇي ماڭىندا قىلاۋداي قوقىس جوق. بۇل سوڭعى 6-7 جىل كولەمىندە قالىپتاسقان ءۇردىس,-دەيدى ۇلگىلى كوشە تۇرعىندار. باتىربەك شايماعانبەتوۆ, كەنت تۇرعىنى: — ۇلكەن كىسىلەرىمىز اقىلدارىن ايتىپ, وسىنداي بىرنارسە ۇيىمداستىرمادىڭدار ما, نە ىستەيسىڭدەر دەپ بىزگە ايتادى. سوسىن وسى جەردە اعالارىمىز بار, ىنىلەرىمىز بار, ويلاسىپ, ءبىر مامىلەگە كەلىپ, ءبارىمىز سول نارسەلەردى ۇيىمداستىرامىز.

«تازا قازاقستان» رەسپۋبليكالىق ەكولوگيالىق اكتسياسى اياسىندا باستالعان «جاسىل كوشە» بايقاۋى اۋدان تۇرعىندارىن ىنتالاندىرعان. ارنۇر نۇرماعانبەتوۆ, اۋدان اكىمىنىڭ ورىنباسارى: — اكتسيا باستالعالى ءبىز بارلىق ەلدى مەكەندى قامتىپ وتىرمىز. وسى جەرگىلىكتى جەرگە بەيىمدەلگەن 10 مىڭنان استام كوشەت ەگىلدى. بارلىق ەلدى مەكەندەردى قوسا العاندا, سونىمەن قاتار 5 مىڭ تونناعا جۋىق تۇرمىستىق قالدىق شىعارىلدى. «جاسىل كوشە» بايقاۋىنىڭ جەڭىمپازدارى ارنايى اتالىم بويىنشا قارجىلاي ماراپاتقا يە بولادى.

تازالىق شاراسىن ەرەكشە مازمۇندا وتكىزۋدى كوزدەگەن جالاعاشتىقتار جاسىل جەلەك اۋماعىن ەسەلەپ ارتتىرۋدى كوزدەپ وتىر.