Taza paıda – 134 mlrd: Qarabaev QTJ-ny tabysty kompanııa dep atady

Foto: el.kz

Kólik mınıstri Qarabaev «Qazaqstan temir jolyn» tabysty kompanııa dep atady. Onyń aıtýynsha, ulttyq tasymaldaýshynyń 2023 jylǵy taza paıdasy 134 mlrd teńgege jetken, – dep habarlaıdy qandastar.kz.

«Kompanııa 2020 jyldan bastap tabysty boldy. Al buǵan deıin tasymaldaýshynyń jumysynda shyǵyndy kezeń boldy. QTJ-ǵa memleket tarapynan qarjylandyrý bolmaǵandyqtan 2,9 trıllıon teńge qaryz qalyptasty. Máselen, kompanııa óz qarajaty esebinen lokomotıv parkin jańartty», – dep túsindirdi mınıstr.

QTJ barlyq nesıelerin ýaqytynda tóleıdi dep otyr Qarabaev.