«تەگىن تويعا جىبەرەدى»: ناركەنجە سەرىكباەۆا تۇركىستان وبلىستىق فيلارمونياسىنىڭ باسشىلىعىنا شۇيلىكتى

فوتو: https://www.instagram.com/narkenjeserikbaeva/

بەلگىلى ءانشى ناركەنجە سەرىكباەۆا ءوزى قىزمەت جاساعان ءشامشى قالداياقوۆ اتىنداعى تۇركىستان وبلىستىق فيلارمونياسىنىڭ بىلىعىن اشتى. بۇل تۋرالى  qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

ونەر يەسى مادەنيەت مەكەمەسىنىڭ قيراپ تۇرعانىن ايتقان ەدى.

“مەن سۋ ىشكەن قۇدىعىما ەشقاشان تۇكىرگەن ەمەسپىن. مەن ءشامشى اتامىزدىڭ اتىنداعى سارايدى جارعا جىقپاي كەرىسىنشە جارقىراعانىن قالايتىن جانمىن. ءانۇرانىمىزدىڭ اۆتورى, ۇلى كومپوزيتوردىڭ اتىن يەمدەنگەن, جاماۋ-جاماۋ كۇيدەگى فيلارمونيانىڭ بۇگىنگى جاي-كۇيىن ايتتىم. شىندىق اششى بولادى, ءبىراز كىسىلەر شىڭعىرىپ جىبەردى”, – دەدى ءانشى.

ودان كەيىن باسشىلىق فيلارمونياداعى انشىلەردى تەگىن تويعا شىعاراتىنىن دا جايىپ سالدى.

“عالىمجان مىرزا, سوسىن سىزگە ايتارىم قىزمەتىڭىزدى اسىرا پايدالانا بەرمەڭىز. قالاعان ۋاقىتتا شاقىرىپ الاتىن ءانشى قىزدار ءسىزدىڭ قولجاۋلىعىڭىز ەمەس. ءانشى قىز-جىگىتتەردى جۇمىستان تىس ۋاقىتتا تەگىن تويعا جىبەرۋدى قويىڭىز! ولار دا ءبىر ايلىققا قاراپ وتىرماي كەشكى تويعا شىعىپ اقشاسىن تاپسىن! ونەر ادامىنا ەركىندىك سىيلاڭىزدار! قۇزىرەتىڭىزدى ابايلاپ پايدالانىڭىز. مەندە ءبىراز ماتەريالدار بار. بالەقور ەمەسپىن. بىراق مەنى اشۋلاندىرماڭىز!”, – دەپ ەسكەرتتى ونەر يەسى.

ەسكە سالايىق, ونەر يەسى ءوز ەركىممەن جۇمىستان كەتكەنىن ايتقان ەدى.