«Tegin jumys isteýge daıynmyn»: Qılybaıdyń eks-toqaly Toqaevqa keńesshi bolǵysy keletinin aıtty

Mańǵystaý oblystyq máslıhattyń burynǵy depýtaty, oblys ákimi Nurdáýlet Qılybaıdyń burynǵy serigi Yntash Naýryzova Memleket basshysyna ashyq hat jazyp, keńesshi qyzmetin surady, dep jazdy qandastar.kz

Ol aılyqsyz, tegin jumys isteýge daıyn ekenin aıtyp, basty maqsaty – áıelder men balalar quqyǵyn qorǵaý ekenin jetkizdi, dep habarlaıdy Skifnews.kz aqparat portaly.

«Qurmetti Prezıdent myrza, meni keńesshi qylyp qyzmetke alyńyzshy. Aılyq tóleýdiń de qajeti joq. Az da bolsa áıelder men balalarǵa kómegim tıse boldy. Sizge shynaıy jaǵdaıdy baıandap otyraıyn», – dep jazdy Naýryzova.

Eks-depýtat bul oıyn TikTok-ta jarııalap, qoǵamdy sabyrǵa shaqyrdy. Ol Prezıdenttiń sońǵy Joldaýynda aıtylǵan áıelder taqyrybyndaǵy pikirin durys túsinýge shaqyrdy.

«Ajyrasý men boqtyq sóz aıtyp, aıqaı shyǵaratyn áıelderge qatysty aıtqany durys. Biraq bul barlyq áıelderdi kemsitý emes. Prezıdenttiń kótergen máselesi – shynaıy problema. Bizdiń qoǵamda qujat júzinde ajyrasyp, shyn máninde birge turatyndardyń bary ras. Biraq bul másele járdemaqyny azaıtyp tastaý arqyly sheshilmeıdi», – deıdi Naýryzova.

Ol áıelderge qatysty zorlyq-zombylyq máselesin erekshe atap ótip, bılikke bul baǵytta naqty sheshimder qabyldaýdy usyndy.

«Qoǵamnyń tynyshtyǵyn buzýdy adamnyń jynysyna bólýdiń qajeti joq. Áıtpese, er adamdar arasynda «Prezıdenttiń ózi qoldamaıdy eken» degen qaýipti oı qalyptasýy múmkin. Al bizde áıelderdi qorǵaýǵa qatysty zańdar bar, tek durys qoldaný qajet», – dedi ol.

Naýryzova sońǵy ýaqytta áıelderdiń narazylyǵyn týdyrǵan taqyryptarǵa bılik jaýap beredi dep senetinin de qosty.