Tehasta sý tasqynynan qaza tapqandar sany 82 adamǵa jetti

x.com/namwella1961
Tehas bıliginiń aqparatynsha, sý tasqyny saldarynan qaza tapqandar sany 82 adamǵa deıin ósti, dep habarlaıdy Qandastar.kz. Sonymen qatar, seısmologtar jańbyrdyń qaıta jaýýy múmkin ekenin eskertti.

CNN telearnasynyń sıýjetinde atap ótilgendeı, Kerr okrýginde qaza bolǵandardyń qatarynda kem degende 28 bala bar. Jalpy qaıtys bolǵandar sany áli de ósýi múmkin, óıtkeni shtat boıynsha tótenshe jaǵdaı qyzmetteri izdestirý-qutqarý jáne qalpyna keltirý jumystaryn jalǵastyryp jatyr.

Jeksenbi keshindegi málimetke sáıkes, Tehastaǵy sý tasqyny saldarynan 50 adam qaza tapqan. Olardyń basym bóligi Kerr okrýginde anyqtalǵan. Sondaı-aq, Trevıs okrýginde – 6, Bernette – 3, Kendall men Ýılıamsonda – 2 adamnan, al Tom-Grın okrýginde – 1 adam qaza tapqan.

Bılik ókilderiniń málimetinshe, Camp Mystic lagerinen on qyz bala jáne bir tálimger áli de iz-túzsiz joǵalǵandar qatarynda.

Tehas shtatynyń gýbernatory Greg Ebbotttyń aıtýynsha, kútpegen sý tasqyndary keıbir aımaqtar úshin áli de qaýip tóndirýde. Jańa jaýyn-shashyn boljanýda. Bılik Kerr okrýgindegi Hant qaýymdastyǵynyń turǵyndaryn 7 shildede bıik jerlerge kóshýge shaqyrdy.