Telearnalarǵa qazaq tildi kontent az bolǵany úshin aıyppul salynbaq

Foto: Rexels.com

Mádenıet mınıstrligi qazaq tilinde tıisti kólemde habar taratpaǵan telearnalar men radıostanııalarǵa ákimshilik jaýapkershilik engizýdi usyndy, dep jazdy qandastar.kz

 Bul týraly Stan.kz aqparat agenttigi habarlaıdy.

2025 jyldyń 1 qańtarynan bastap kúshine engen normaǵa sáıkes, aptalyq efır ýaqytynyń keminde 55%-y qazaq tilindegi kontentke arnalýǵa tıis. Bul talap resmı túrde bolǵanymen ony buzǵandarǵa eshqandaı aıyppul salynǵan joq.

Qazir ákimshilik quqyqbuzýshylyqtar kodeksine ózgerister engizý týraly jańa jobany qazaqstandyqtar 10 shildege deıin talqylap jatyr. Bul qujatta tildik kvotadan bólek, jarnama lımıtin asyryp jibergen tele-radıo habar taratýshylarǵa da jaza qoldaný usynylǵan. Qoldanystaǵy zań boıynsha, jarnama efır ýaqytynyń táýligine 20%-ynan aspaýy kerek.

Sonymen qatar mınıstrlik áleýmettik jeliler men vıdeoplatformalar sekildi onlaın alańdarda quqyqqa qaıshy kontent taratqandarǵa aıyppul salý júıesin engizýdi usyndy. Vedomstvo zańnamany jańartpasa, ıfrlyq keńistikti baqylaý barǵan saıyn qıyndap baratynyn atap ótti.

«2024 jyly qazaqstandyq onlaın platformalarda 78,5 myńnan astam quqyqqa qaıshy kontent anyqtalǵan, onyń 24,3%-y ǵana óshirildi», — delingen qujatta.

Joba shetel tájirıbesine de súıenedi. Mysaly, EO elderinde, Ulybrıtanııa men Ońtústik Koreıada tildik jáne jarnamalyq talaptardy buzǵany úshin mıllıondaǵan eýro aıyppul salynyp, platformalardy buǵattaýǵa deıingi sharalar qarastyrylǵan. Qazaqstan bıligi osyndaı tetik medıa mekemelerdiń jaýapkershiligin arttyryp, memlekettik tildi damytýǵa yqpal etedi dep senedi.

Buǵan deıin Qazaqstanda 2030 jylǵa deıingi Til saıasaty tujyrymdamasy bekitilgen. Onda 2029 jylǵa qaraı memlekettik telearnalardaǵy qazaqtildi baǵdarlamalardyń úlesin 85%-ǵa deıin jetkizý, al halyqtyń qazaq tilin meńgerý deńgeıin 84% arttyrý kózdelgen.