Telegram ارقىلى نومىرلەردى تەكسەرۋدىڭ جاڭا ءادىسى ىسكە قوسىلدى

فوتو: Getty Images

تانىمال مەسسەندجەردىڭ نەگىزىن قالاۋشى پاۆەل دۋروۆ Telegram Gateway دەپ اتالاتىن تەلەفون نومىرلەرىن تەكسەرۋدىڭ جاڭا ءادىسىن ىسكە قوسقانىن مالىمدەدى, – دەپ حابارلايدى qandastar.kz  Massaget.kz تىلشىسىنە سىلتەمە جاساپ.

كاسىپكەر بۇل تۋرالى ءوزىنىڭ Telegram-ارناسىندا جازدى.

«Telegram كاسىبى بار تۇتىنۋشىلاردىڭ تەلەفون نومىرلەرىن تەكسەرۋدىڭ ەڭ قولجەتىمدى ءادىسىن ىسكە قوستى. الەمنىڭ كەز كەلگەن جەرىندە ءبىر كود ءۇشىن بار بولعانى $0,01 تولەيسىز», – دەدى ول.

ونىڭ ايتۋىنشا, ەندى كومپانيالار Telegram ارقىلى پايدالانۋشىلارىنا تەكسەرۋ كودىن جىبەرۋ ارقىلى ميلليونداعان قارجىسىن ۇنەمدەي الادى.

«بۇل ءادىس SMS ارقىلى ءداستۇرلى تەكسەرۋگە قاراعاندا الدەقايدا ارزان, جىلدام جانە قاۋىپسىز», – دەپ ءتۇسىندىردى دۋروۆ.

ايتا كەتەيىك, بىرنەشە كۇن بۇرىن Telegram-نىڭ نەگىزىن قالاۋشى پاۆەل دۋروۆ مەسسەندجەردە سىيلىق پايدا بولعانىن مالىمدەگەن ەدى.

«مەرەكەلەر ماۋسىمى (ونىڭ ىشىندە مەنىڭ تۋعان كۇنىم دە بار) جاقىنداپ قالدى جانە بۇگىن ءبىز سىيلىقتار شىعارامىز!» – دەپ جازدى ول ءوزىنىڭ Telegram-ارناسىندا.

پاۆەل دۋروۆ سىيلىقتار جاقىندارىڭىزدى ماڭىزدى وقيعامەن قۇتتىقتاۋدىڭ تاماشا ءتاسىلى ەكەنىن اتاپ ءوتتى.

«سىيلىق الۋشىلار ولاردى پروفيلىندە كورسەتۋدى نەمەسە جۇلدىزعا ساتۋدى تاڭداي الادى (ىشكى ۆاليۋتا – شامامەن)», – دەپ ءتۇسىندىردى ول.