Telegram arqyly nómirlerdi tekserýdiń jańa ádisi iske qosyldy

Foto: Getty Images

Tanymal messendjerdiń negizin qalaýshy Pavel Dýrov Telegram Gateway dep atalatyn telefon nómirlerin tekserýdiń jańa ádisin iske qosqanyn málimdedi, – dep habarlaıdy qandastar.kz  Massaget.kz tilshisine silteme jasap.

Kásipker bul týraly óziniń Telegram-arnasynda jazdy.

«Telegram kásibi bar tutynýshylardyń telefon nómirlerin tekserýdiń eń qoljetimdi ádisin iske qosty. Álemniń kez kelgen jerinde bir kod úshin bar bolǵany $0,01 tóleısiz», – dedi ol.

Onyń aıtýynsha, endi kompanııalar Telegram arqyly paıdalanýshylaryna tekserý kodyn jiberý arqyly mıllıondaǵan qarjysyn únemdeı alady.

«Bul ádis SMS arqyly dástúrli tekserýge qaraǵanda áldeqaıda arzan, jyldam jáne qaýipsiz», – dep túsindirdi Dýrov.

Aıta keteıik, birneshe kún buryn Telegram-nyń negizin qalaýshy Pavel Dýrov messendjerde syılyq paıda bolǵanyn málimdegen edi.

«Merekeler maýsymy (onyń ishinde meniń týǵan kúnim de bar) jaqyndap qaldy jáne búgin biz syılyqtar shyǵaramyz!» – dep jazdy ol óziniń Telegram-arnasynda.

Pavel Dýrov syılyqtar jaqyndaryńyzdy mańyzdy oqıǵamen quttyqtaýdyń tamasha tásili ekenin atap ótti.

«Syılyq alýshylar olardy profılinde kórsetýdi nemese juldyzǵa satýdy tańdaı alady (ishki valıýta – shamamen)», – dep túsindirdi ol.