Jańalyqtar
Telegram Qazaqstan quqyq qorǵaý organdaryna óz paıdalanýshylary týraly málimetterdi berdi
Foto: Shutterstock
Telegram Qazaqstan quqyq qorǵaý organdaryna óz paıdalanýshylary týraly málimetterdi berdi, dep jazdy qandastar.kz
Telegram messendjerinde Transparency Reports dep atalatyn resmı bot paıda boldy. Onda quqyq qorǵaý qyzmetkerleriniń suranystary men olarǵa berilgen málimetter kórsetiledi. 2024 jyly Telegram organdardan kelgen 74 suranysty qanaǵattandyryp, 496 qazaqstandyq paıdalanýshynyń IP-adresi men telefon nómirlerin bergen.
“Eger quqyq qorǵaý organdary resmı suranys jiberse jáne qylmystyq is boıynsha kúdikti ekenińizdi rastasa, Telegram sizdiń IP-adresińiz ben telefon nómirińizdi tıisti organdarǵa bere alady. Esepter https://t.me/transparency Telegram arnasynda jarııalanady”, – delingen Telegram qupııalylyq saıasatynyń 8.3 tarmaǵynda.
atamekenbusiness_qaz habarlaǵandaı, derekter úsh aı saıyn jańartylyp otyratyn esepte kórsetiledi. Kelesi aqparat 2025 jyldyń sáýirinde jarııalanbaq.
