جاڭالىقتار
تەلەۆيدەنيە مەن راديو حابار تاراتۋدى ۋاقىتشا توقتاتادى
16 شىلدەدە تەلەراديوارنالار حابار تاراتۋدى ۋاقىتشا توقتاتادى, دەپ حابارلايدى «قازتەلەراديو» اق ءباسپاسوز قىزمەتى.
كومپانيانىڭ مالىمەتىنشە تەلەۆيزيالىق جانە راديو حابارلارىن ۇزدىكسىز ءارى ساپالى تاراتۋ ماقساتىندا توقسان سايىن سپۋتنيكتىك, ساندىق جانە انالوگتىق ەفيرلىك جەلىلەردىڭ تەحنيكالىق قۇرالدارى تەكسەرىلەدى.
«2025 جىلعى 16 شىلدەدە ساعات 03:00-دەن 17:00-گە دەيىن سپۋتنيكتىك, ساندىق جانە انالوگتىق ەفيرلىك جەلىلەردىڭ تەحنيكالىق قۇرالدارىنا سەرۆيستەردى توقتاتا وتىرىپ, جوسپارلى-الدىن الۋ جۇمىستارى جۇرگىزىلەدى. جۇمىستار كەزىندە قازاقستان بويىنشا تەلەراديوارنالاردىڭ تاراتىلىمى ۋاقىتشا توقتاتىلادى», — دەپ جازىلعان حابارلامادا.
«قازتەلەراديو» ازاماتتارعا تۇسىنىستىك تانىتقانى ءۇشىن الدىن الا العىس ايتىپ, ۋاقىتشا قولايسىزدىقتار ءۇشىن كەشىرىم سۇرادى.
