Televıdenıe men radıo habar taratýdy ýaqytsha toqtatady

16 shildede teleradıoarnalar habar taratýdy ýaqytsha toqtatady, dep habarlaıdy «Qazteleradıo» AQ baspasóz qyzmeti.

Kompanııanyń málimetinshe televızııalyq jáne radıo habarlaryn úzdiksiz ári sapaly taratý maqsatynda toqsan saıyn spýtnıktik, sandyq jáne analogtyq efırlik jelilerdiń tehnıkalyq quraldary tekseriledi.

«2025 jylǵy 16 shildede saǵat 03:00-den 17:00-ge deıin spýtnıktik, sandyq jáne analogtyq efırlik jelilerdiń tehnıkalyq quraldaryna servısterdi toqtata otyryp, josparly-aldyn alý jumystary júrgiziledi. Jumystar kezinde Qazaqstan boıynsha teleradıoarnalardyń taratylymy ýaqytsha toqtatylady», — dep jazylǵan habarlamada.

«Qazteleradıo» azamattarǵa túsinistik tanytqany úshin aldyn ala alǵys aıtyp, ýaqytsha qolaısyzdyqtar úshin keshirim surady.