Temekiden jyl saıyn 8 mln adam kóz jumady

Jyl saıyn temeki shegýden 8 mln adam kóz jumady, dep habarlaıdy QazAqparat QR DSM Qoǵamdyq densaýlyq saqtaý ortalyǵyna silteme jasap.

«Temeki shegýden mıllıondaǵan adam ókpe obyrymen, týberkýlezben, demikpemen nemese ókpeniń sozylmaly aýrýlarymen aýyrady. Temeki shegý – bul júrek-qan tamyrlary aýrýlarynyń (ınfarkt, ınsýlt), erlerde erektıldi dısfýnkııa, teriniń erte qartaıýy, sondaı-aq júktiliktiń qolaısyz nátıjesi jáne júkti áıelderde bolashaq balanyń densaýlyǵy úshin táýekel faktory», — delingen baspasóz habarlamasynda.

Temeki shegý – bronh-ókpe, onkologııalyq jáne basqa da sozylmaly aýrýlardyń qaýipti faktorlarynyń biri.

«Temeki shegýden bas tartqannan keıin 1-9 aı ishinde jótel men entigý azaıady. 10 jyldan keıin sizde ókpe obyrynyń damý qaýpi shylym shegýshige arnalǵan osyndaı táýekelmen salystyrǵanda eki ese tómendeıdi, sondaı-aq sizde aýyz qýysy, tamaq, óńesh, qýyq, jatyr moıny jáne uıqy bezi obyrynyń damý qaýpi tómendeıdi. 15 jyldan keıin júrektiń ıshemııalyq aýrýynyń damý qaýpi temeki shekpeıtin adamnyń qaýip deńgeıine deıin tómendeıdi», — deıdi mamandar.

Sondaı-aq, adam temeki shegýden bas tartsa, zııan ádetpen baılanysty densaýlyqtaǵy problemalar damýyn toqtatyp, ımpotenııa yqtımaldyǵyn, júktilik, merziminen buryn bosaný, dene salmaǵy tómen balalardyń týylýy men túsik tastaý máselelerin tómendetedi.

Derekkóz: QazAqparat