«تەمىر ادام»: قازاقستاندىق بالۋان امەريكالىق جۇلدىزداردى الىپ كۇشىمەن تامساندىردى

قازاقستاندىق كۇش سىناسۋ ەكستريمىنىڭ سپورتشىسى سەرگەي تسىرۋلنيكوۆ اقش-تاعى تالانتتار شوۋىنا (America got Talent) قاتىسىپ, امەريكالىقتاردى تاڭقالدىردى, دەپ حابارلايدى Skifnews.kz اقپارات پورتالى.

«دوستار مەنىڭ امەريكاندىق كۋلتتىك شوۋداعى ەپيزودىمنىڭ ءبىر بولىگىن تاماشالاڭىزدار.  وزدەرىنىڭ ءتارتىبى بويىنشا شىعارىلىمنىڭ از عانا بولىگىن كورسەتتى. وكىنىشتى, ارينە. بيلىك مادەنيەتى سونداي. الايدا مەن قازىلار القاسىنىڭ كوڭىلىنەن شىعىپ, بارىنەن ء«يا» دەگەن بەلگى الدىم», – دەپ جازدى سپورتشى.

ايتا كەتەيىك, سەرگەي تسىرۋلنيكوۆ – تانىمال قازاقستاندىق سپورتشى, قازاق بالۋاندارىنىڭ ءداستۇرىن جالعاستىرۋشى, تەمىردى ساز بالشىقشا يلەيتىن الىپ. ول 7 رەت قازاقستان, 5 رەت الەم رەكوردىن جاڭارتقان. ونىڭ ەسىمى گيننەس رەكوردتار كىتابىنا ەنگەن.