الەۋمەت جانە قوعامجاڭالىقتار
تەمىرتاۋدا 59 بالا اداسىپ كەتتى
تەمىرتاۋدا مەتاللۋرگتەر كۇنىنە ارنالعان كونتسەرتتە پوليتسيا اداسىپ كەتكەن 59 بالانى اتا-انالارىنا قايتاردى, دەپ جازدى Qandastar.kz
پوليتسيا قىزمەتكەرلەرى دەمالۋشىلاردىڭ قاۋىپسىزدىگى مەن ءتارتىبىن قامتاماسىز ەتتى. قالا قۇراۋشى كاسىپورىننىڭ كاسىبي مەرەكەسىنە ارنالعان سالتاناتتى شارالارعا وبلىستىڭ ءار قالاسىنان 35 مىڭنان استام كورەرمەن جينالدى.
ساحنادا تانىمال قازاقستاندىق ارتىستەر مەن شەتەلدىك قوناقتار ونەر كورسەتىپ, كورەرمەندەرگە ۇمىتىلماس اسەر سىيلادى.
قاراعاندى وبلىسىندا پوليتسيا مەرەكەلىك كەشتە بىردە-ءبىر وقىس وقيعانىڭ ورىن الۋىنا جول بەرمەدى.
قۇقىقتىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن پوليتسيا دروندار مەن بەينەباقىلاۋ كامەرالارى سياقتى زاماناۋي تەحنيكالىق قۇرالداردى پايدالاندى.
بۇل كەز كەلگەن تۋىنداعان جاعدايلارعا جەدەل دەن قويۋعا مۇمكىندىك بەردى. اداسقان بالالاردىڭ اتا-انالارىن ىزدەۋ بويىنشا پوليتسيانىڭ جۇمىسى ەرەكشە نازار اۋدارتادى.
كەش بارىسىندا پوليتسيا وبلىستىڭ 59 كىشكەنتاي تۇرعىنىنا كوپشىلىك اراسىندا اداسىپ كەتكەن اتا-انالارىن تابۋعا كومەكتەستى.
