Temirtaýda qarııany aıaýsyz soqqyǵa jyqqandarǵa qandaı shara kórilmek?

Foto:vıdeodan skrın

Temirtaýda qarııany aıaýsyz soqqyǵa jyǵyp, ony vıdeoǵa túsirgen kámeletke tolmaǵan balalarǵa qatysty másele Qaraǵandy oblysy ákimdiginde qaralyp, tıisti sharalar qabyldandy. Bul týraly oblys ákimi Ermaǵanbet Bólekbaev óziniń áleýmettik jelide paraqshasynda jazdy, dep habarlaıdy qandastar.kz

“Búgin meniń orynbasarym Álibek Áldeneı Qaraǵandy oblysy boıynsha kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń otyrysyn ótkizdi.

Temirtaý qalasy ákiminiń áleýmettik máseleler jónindegi orynbasaryna kámeletke tolmaǵandarǵa tıisinshe baqylaý jasamaǵany úshin qatań sógis jarııalaýdy tapsyrdym.

Sondaı-aq, jasóspirimder oqyǵan bilim berý mekemeleri dırektorlarynyń orynbasarlary tártiptik jaýapkershilikke tartyldy.

Biz jasóspirimder agressııasyna sózsiz alańdaımyz jáne bolashaqta osyndaı oqys oqıǵalardy azaıtý boıynsha qosymsha sharalar ázirleýge kirisemiz. Barlyq kináliler qoldanystaǵy zańnama sheńberinde jaýapkershilikke tartylady. Bul oqıǵa boıynsha polıııa tergeý júrgizýde.

Sondaı-aq ata-analardan, pedagogtardan balalardy tárbıeleýge jáne olardyń basqa adamdarǵa qurmetpen qaraýyn, durys qundylyqtardy qalyptastyrýǵa kóbirek kóńil bólýdi suraımyn. Biz óz tarapymyzdan jasóspirimderdi áleýmettik qoldaý men aldyn alý sharalaryn kúsheıtý jumystaryn jalǵastyramyz”,- dep jazdy óńir basshysy.

Esterińizge sala keteıik, buǵan deıin Temirtaýda kámeletke tolmaǵandar toby qart er adamnyń úıine basa-kóktep kirip, ony aıaýsyz soqqyǵa jyǵyp, bolǵan jaıtty vıdeoǵa túsirgeni týraly jazǵan bolatynbyz.