تەمىرتاۋدا پاتەردەن ءۇش ادامنىڭ ءمايىتى مەن اش يتتەر تابىلدى

فوتو: اشىق دەرەككوز

تەمىرتاۋدا پاتەرلەردىڭ بىرىنەن ءۇش ادامنىڭ ءمايىتى مەن اش پيتبۋلدار تابىلدى. بۇل تۋرالى Stan.kz اقپارات اگەنتتىگى حابارلايدى.

تەمىرتاۋدا ءۋاليحانوۆ كوشەسىندەگى عيمارات پاتەرلەرىنىڭ بىرىنەن پوليتسەيلەر مەن توتەنشە جاعدايلار قىزمەتىنىڭ قىزمەتكەرلەرى ادامداردىڭ دەنەسى مەن اش يتتەردى تاپتى. ولاردى كورشىلەرى شاقىرىپتى. تۇرعىندار كورشى پاتەردەن ساسىق ءيىس سەزگەن. سونداي-اق يتتەردىڭ ۇلىعان نە قىڭسىلاعان داۋسىنان مەزى بولعان.

«مايىتتەردىڭ بۇل پاتەردە قانشا ۋاقىت جاتقانىن بىلمەيمىز. يتتەردىڭ ۇنەمى ءۇرىپ, قىڭسىلاعانىن بايقادىق. سودان كورشىلەر جامان ءيىستى سەزدى. پوليتسيا شاقىردىق, ولار قۇتقارۋشىلارمەن بىرگە كەلدى. ەسىكتى اشسا, ءۇش ءمايىت پەن اش يتتەر جاتىر ەكەن. بۇل – پاتەردىڭ يەسى, ونىڭ ۇلى جانە باسقا ەر ادام, ياعني بالانىڭ دوسى بولۋى مۇمكىن. ءبىز ايەلدىڭ قاتەرلى ىسىككە شالدىققانىن بىلدىك. يتتەر ىڭىلداپ, قارنى اشقان. مارقۇمداردىڭ بەتىن تىستەپ تاستاعانى انىق, بىراق كوپ ەمەس», — دەيدى مارقۇم ايەلدىڭ كورشىلەرىنىڭ ءبىرى.

قاراعاندى وبلىستىق پوليتسيا دەپارتامەنتىنىڭ ءباسپاسوز قىزمەتى تەرگەۋ باستالعانىن حابارلادى.

«مايىتتەر تەمىرتاۋداعى پاتەرلەردىڭ بىرىنەن تابىلدى. ولاردىڭ زورلىق-زومبىلىق ولتىرىلگەنى بويىنشا بەلگىلەر بايقالمادى. ءولىمنىڭ سەبەپتەرىن انىقتاۋ ءۇشىن بارلىق قاجەتتى تەرگەۋ ارەكەتتەرى جۇرگىزىلىپ جاتىر. وقيعانىڭ ءمان-جايى انىقتالادى», – دەپ حابارلادى قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.