Temirtaýda páterden úsh adamnyń máıiti men ash ıtter tabyldy

Foto: ashyq derekkóz

Temirtaýda páterlerdiń birinen úsh adamnyń máıiti men ash pıtbýldar tabyldy. Bul týraly Stan.kz aqparat agenttigi habarlaıdy.

Temirtaýda Ýálıhanov kóshesindegi ǵımarat páterleriniń birinen polıeıler men tótenshe jaǵdaılar qyzmetiniń qyzmetkerleri adamdardyń denesi men ash ıtterdi tapty. Olardy kórshileri shaqyrypty. Turǵyndar kórshi páterden sasyq ıis sezgen. Sondaı-aq ıtterdiń ulyǵan ne qyńsylaǵan daýsynan mezi bolǵan.

«Máıitterdiń bul páterde qansha ýaqyt jatqanyn bilmeımiz. Itterdiń únemi úrip, qyńsylaǵanyn baıqadyq. Sodan kórshiler jaman ıisti sezdi. Polıııa shaqyrdyq, olar qutqarýshylarmen birge keldi. Esikti ashsa, úsh máıit pen ash ıtter jatyr eken. Bul – páterdiń ıesi, onyń uly jáne basqa er adam, ıaǵnı balanyń dosy bolýy múmkin. Biz áıeldiń qaterli isikke shaldyqqanyn bildik. Itter yńyldap, qarny ashqan. Marqumdardyń betin tistep tastaǵany anyq, biraq kóp emes», — deıdi marqum áıeldiń kórshileriniń biri.

Qaraǵandy oblystyq polıııa departamentiniń baspasóz qyzmeti tergeý bastalǵanyn habarlady.

«Máıitter Temirtaýdaǵy páterlerdiń birinen tabyldy. Olardyń zorlyq-zombylyq óltirilgeni boıynsha belgiler baıqalmady. О́limniń sebepterin anyqtaý úshin barlyq qajetti tergeý áreketteri júrgizilip jatyr. Oqıǵanyń mán-jaıy anyqtalady», – dep habarlady Qaraǵandy oblysynyń polıııa departamentiniń baspasóz qyzmeti.