Temirtaýda jasóspirimder júrip bara jatqan kólikke jarmasqan

Temirtaýda jasóspirimder qozǵalystaǵy kólik artyna jabysyp, jolda ómirlerin qaterge tikti, – dep habarlaıdy Qandastar.kz aqparat portaly.

Qaraǵandy oblysynda kámeletke tolmaǵan úsh balanyń jolda ketip bara jatqan GAZel avtokóligine jarmasyp, jol boıymen qozǵalǵan sáti túsirilgen beınejazba áleýmettik jelilerde tarady.

Oqıǵa jol qozǵalysy erejelerin óreskel buzýmen qatar balalardyń ómirine eleýli qaýip tóndirgen.

Jedel túrde júrgizilgen tekserý nátıjesinde oqýshylardyń jeke tulǵalary anyqtaldy. Olar 10-11 jas aralyǵyndaǵy mektep oqýshylary bolyp shyqty. Barlyq bala zańdy ókilderimen birge polıııa bólimine jetkizildi.

Balalardyń ata-analaryna qatysty bala tárbıesine nemquraıly qaraǵany úshin ákimshilik jaýapkershilikke tartyldy.

Atalǵan is boıynsha materıaldar kámeletke tolmaǵandardyń isteri jáne olardyń quqyqtaryn qorǵaý jónindegi komıssııaǵa joldandy.

Sonymen qatar jasóspirimder mektepishilik esepke alynatyn bolady.