جاڭالىقتار
تەمىرتاۋدىڭ وڭ جاعالاۋىنا ۋاقىتشا قۇبىر تارتىلدى
قاراعاندى وبلىسىنا قاراستى تەمىرتاۋ قالاسىنىڭ وڭ جاعالاۋى تۇرعىندارىن اۋىزسۋمەن قامتاماسىز ەتۋ ءۇشىن ۋاقىتشا قۇبىر تارتىلدى. نۇرا وزەنىنىڭ ارناسىندا جاتقان ورتالىق قۇبىردان اقاۋ شىعىپ, قالانىڭ بۇل اۋماعى تىرشىلىك ءنارىنسىز قالعان ەدى. وسىعان بايلانىستى مەتاللۋرگتەر شاھارىندا جەرگىلىكتى دەڭگەيدەگى توتەنشە جاعداي جاريالاندى. قازىرگى تاڭدا وزەن سۋى تاسىپ جاتقاندىقتان كوممۋنالدىق قىزمەت قوسىمشا قۇبىر تارتۋدى ءجون ساناعان. تاسقىن سەيىلگەن سوڭ نەگىزگىسى جوندەلەدى. تۇرعىندارعا اۋىزسۋدى تەك سانيتار مامانداردىڭ رۇقساتىنان سوڭ عانا پايدالانۋعا بولادى.
سەبەبى حلورلاۋ جۇرگىزىلگەن. ازىرگە تاسىمال سۋدى تۇتىنادى. رينات قىدىربەكوۆ, تەمىرتاۋ قالاسى اكىمىنىڭ ورىنباسارى: — بۇل بۇگىنگى كۇندە ۋاقىتشا شەشىم. باستى سۋ قۇبىرىن جوندەۋ ءۇشىن ءبىز سامارقاند سۋ قويماسىنان سۋ اعىسىنىڭ تومەندەۋىن كۇتەمىز. سودان سوڭ باستى قۇبىردى جوندەۋگە كىرىستىن بولامىز.
