Teńgeniń ornyna rýbl jazǵan: Qazaqstandyq ata-ana 4-synypta oqıtyn balasynyń oqýlyǵyndaǵy mátinge shaǵymdandy

Foto: Stan.kz

Astanalyq prokýror Saıahat Nurbek jelidegi paraqshasynda qazaq tilinde oqytatyn mektepterdiń 4-synyp «Matematıka» oqýlyǵynda qate ketkenin jarııalady. Oqýlyqta teńgeniń ornyna «rýbl» jáne «dollar» dep jazylǵan. Stan.kz tilshisi mán-jaıdy tolyǵyraq bilý úshin oqý-aǵartý mınıstrligine qarasty respýblıkalyq ǵylymı-praktıkalyq bilim mazmunyn saraptaý ortalyǵyna habarlasty.

Saıahat Nurbek oqýlyqtaǵy «8 á», «9» jáne «10» jattyǵýlarynda 2$, 100 rýbl, 140 rýbl, 16 rýbl 80 kopeıka dep kórsetilgenin jarııa etti.

Al redakııa respýblıkalyq ǵylymı-praktıkalyq bilim mazmunyn saraptaý ortalyǵyna habarlasyp, qoldanýshynyń jarııalanymyna qatysty pikir surady.

«4-synypqa arnalǵan  Almatykitap  baspasynyń  Matematıka  oqýlyǵy «Bastaýysh, negizgi orta jáne jalpy orta bilim deńgeıleriniń jalpy bilim beretin pánderi men tańdaý kýrstary boıynsha úlgilik oqý baǵdarlamasyna» (QR Bilim jáne ǵylym mınıstriniń 2013 j. 03.04.2013. №115 buıryǵy) saı ázirlenip, 2019 jyly oqý proesine engizilgen», – dedi ortalyq.

Ortalyqtyń málimetinshe, 4-synypqa arnalǵan «Matematıka»  pániniń úlgilik oqý baǵdarlamasynyń bazalyq mazmunynda sheteldik jáne ulttyq valıýtalarmen tanysý, túrli memleketterdiń valıýtalaryn (rýbl, evro, dollar) ajyratý jáne túrli tólemder jasaý oqý maqsattary retinde qarastyrylǵan.

«Osy oqý maqsattaryn júzege asyrý úshin oqýlyqtyń 56-betindegi «Evro, dollar. Valıýtamen oryndalatyn operaııalar» taqyrybyndaǵy 14-sabaqta, 60-bettegi «Rýbl. Valıýtalarmen oryndalatyn operaııalar» taqyrybyndaǵy 15-sabaqta oqýshylar basqa memleketterdiń valıýtasymen tanysady jáne usaqtaýdy úırenedi. Bul rette úı tapsyrmasy retinde oqýlyqta Reseı valıýtasymen qatar, evro, ent, dollar sııaqty basqa memleketterdiń aqsha ataýymen tanystyrý materıaldary berilgen», – dep jaýap berdi saraptaý ortalyǵy.

Eske salaıyq, buǵan deıin qazaqstandyq sai_abu esimdi áıel 3-synyp oqıtyn balasynyń «Qazaq tili» oqýlyǵynda «qyrgúıek» jáne «ózgórót» sózi qate jazylǵanyn aıtyp shaǵymdanǵan edi. Ol oqý baǵdarlamasynyń avtorlaryna «nelikten mundaı qate jiberedi?» dep ashýlandy. Buǵan saraptaý ortalyǵy respýblıkalyq termınologııa komıssııasy maquldaǵan Orfografııalyq sózdikke sáıkes berilgenin aıtty.