جاڭالىقتار
«تەڭىزشەۆرويل» كومپانياسىنا اۋانى لاستاعانى ءۇشىن 640 ملن تەڭگە ايىپپۇل سالىندى
«تەڭىزشەۆرويل» جشس 2023 جىلدىڭ 3 جانە 4 توقسانىندا, سونداي-اق 2024 جىلدىڭ 1 جانە 2 توقسانىندا اتموسفەراعا ەكولوگيالىق رۇقسات ەتىلگەن نورمالاردان تىس 49,3 توننا لاستاۋشى زاتتاردى شىعارعان, دەپ جازدى Qandastar.kz سايتى turkystan.kz-كە سىلتەمە جاساپ.
ونىڭ ىشىندە 4,9 توننا لاستاۋشى زات قورشاعان ورتاعا ارنايى رۇقساتسىز تاستالعانى انىقتالدى.
وسىعان بايلانىستى, «تەڭىزشەۆرويل» جشس-نە قاتىستى پروكۋروردىڭ قاۋلىسىمەن اكىمشىلىك ءىس قوزعالىپ, سوتپەن 639,6 ملن تەڭگە كولەمىندە ايىپپۇل سالىندى. بۇل شەشىم زاڭدى كۇشىنە ەندى.
ايماقتا اتموسفەرالىق اۋانىڭ لاستانۋى – وزەكتى ماسەلەلەردىڭ ءبىرى بولىپ تابىلادى جانە بۇل باعىتتاعى قاداعالاۋ جۇمىستارىن پروكۋراتۋرا تۇراقتى تۇردە جۇزەگە اسىرىپ كەلەدى.
