JańalyqtarSport
Tennısshi Aleksandr Býblık ATP 250 týrnıriniń fınalyna shyqty

Foto: áleýmettik jeliden
Qazaqstandyq tennısshi, álemniń 30-raketkasy Aleksandr Býblık Avstrııanyń Kıbıýel qalasynda ótip jatqan ATP 250 sanatyndaǵy topyraqtaǵy týrnırdiń fınalyna joldama aldy, dep habarlaıdy Qazaqstan tennıs federaııasy.
Jartylaı fınalda Býblık Nıderlandy eliniń ókili, qazirgi tańda ATR reıtınginde 103-orynda turǵan Botık Van de Zandshýlpty 6:3, 6:4 esebimen senimdi túrde utty. Qarsylastar arasyndaǵy match 1 saǵat 19 mınýtqa sozyldy. Osy ýaqyt ishinde Býblık toǵyz eıs jasap, toǵyz úzilis múmkindiginiń úsheýin tıimdi paıdalandy. Degenmen, ol alty qos qatelikke jol berdi.
Buǵan deıin shırek fınalda Aleksandr Býblık óz otandasy Aleksandr Shevchenkomen kezdesip, ony da senimdi túrde jeńgen bolatyn.
Fınalda Býblık Franııanyń 100-raketkasy Artýr Kazomen kezdesedi. Bul matchta Aleksandr Kıbıýel týrnıriniń chempıondyǵy úshin talasady. Aıta ketý kerek, bul – Býblık úshin ATP 250 týrnırindegi qatarynan ekinshi fınal.
Aleksandr Býblık 2025 jylǵy maýsymda sátti oıyn kórsetýde. Franııa ashyq chempıonaty men oǵan deıingi daıyndyq týrnırlerin qosa eseptegende, ol bıylǵy jyly 11 matchta jeńiske jetip, tek bir ret jeńilgen. Jeńilis ¼ fınalda “Rolan Garros” týrnırinde tirkelgen bolatyn. Ol kezde Býblıkti ıtalıandyq Iannık Sınner toqtatty.