«تەرەڭ ۇيرەنبەيتىنىم انىق»: فۋتبولدان ەل قۇراماسىنىڭ باس باپكەرى چەرچەسوۆ قازاق ءتىلىن ۇيرەنۋ تۋرالى پىكىر ءبىلدىردى

فوتو: ريا نوۆوستي

فۋتبولدان قازاقستان قۇراماسىنىڭ باس باپكەرى ستانيسلاۆ چەرچەسوۆ قازاق ءتىلىن ۇيرەنۋى ەكىتالاي ەكەنىن, الايدا قاجەتتى سوزدەردى بىلەتىنىن ايتتى. بۇل تۋرالى Stan.kz اقپارات اگەنتتىگى “ريا نوۆوستي” پورتالىنا سىلتەمە جاساپ حابارلايدى.

ماۋسىم ايىنىڭ سوڭىندا چەرچەسوۆتىڭ قازاقستان قۇراماسىنىڭ باس باپكەرى قىزمەتىنە تاعايىندالدى. الايدا ول باسپاسوز كونفەرەنتسياسى كەزىندە جۋرناليستەردىڭ قازاق تىلىنە بايلانىستى قويعان سۇراعىنا كىدىرىپ قالدى.

«قازاقستان – ۇلكەن, ماقتانارلىق ەل. بارلىق جەردە دە ءوز نيۋانستارى بولادى. ال مۇنداعى نيۋانستارعا, مەنىڭشە باياۋ ۇيرەنىپ جاتىرمىن. كۇندەلىكتى ومىردە قاجەت بىرنەشە ءسوزدى ءبىلدىم. ودان ءارى ءتىلدى تەرەڭ ۇيرەنبەيتىنىم انىق. كۇندەلىكتى قاجەت سوزدەردى ءبىلۋ كەرەك. سوندىقتان بارىنشا تىرىسامىن», – دەدى چەرچەسوۆ.چەرچەسوۆ 2016 جىلدان 2021 جىلعا دەيىن رەسەي قۇراماسىن باسقاردى. ونىڭ باسشىلىعىمەن كوماندا 2018 جىلى الەم چەمپيوناتىنىڭ 1/4 فينالىنا جەتتى. ال ەۋرو-2020-دا بەلگيا, دانيا جانە فينليانديا كوماندالارىمەن توپتا سوڭعى ورىنعا يە بولدى. ماماننىڭ سوڭعى جۇمىس ورنى ۆەنگريالىق «فەرەنتسۆاروس» بولدى. سونداي-اق, چەرچەسوۆ ماسكەۋلىك «سپارتاك», «دينامو», سوچيلىك «جەمچۋجينا», «تەرەك» (قازىرگى «احمات»), «امكار», «كۋفشتەين», «ۆاككەر» جانە «لەگياسىن»باسقاردى.