جاڭالىقتار
تەرگەۋ: ەلوردالىق بۇرىنعى قىزىن ءولتىرىپ كەتتى
فوتو:istockphoto.com
استاناداعى «Millennium Park» تۇرعىن ءۇي كەشەنىندە بويجەتكەن كىسى قولىنان قازا تاپتى, دەپ حابارلايدى turkystan.kz.
وقيعا كەشە كەشكى 20:30 شاماسىندا بولعان. 21 جاستاعى كۇدىكتى قىزدىڭ بۇرىن كوڭىل جاراستىرعان سۇيىكتىسى بولىپ شىقتى.
كورشىلەرىنىڭ ايتۋىنشا, وقيعا الدىندا پاتەردەن قاتتى شۋ ەستىلگەن. قىزدىڭ ءمايىتى پاتەردەن تابىلعان. وسىدان كەيىن كۇدىكتى كوشەدە ءوتىپ بارا جاتقان ادامدارعا پىشاقپەن شابۋىل جاساپ, قازا تاپقان قىزدىڭ كىشى ءىنىسىن جارالاعان. ءجاسوسپىرىم كەيىن بالالار الاڭىندا پىشاق جاراقاتتارىمەن تابىلىپ, اۋرۋحاناعا جەتكىزىلدى.
سودان كەيىن كۇدىكتى قىزدىڭ پاتەرىنە كىرىپ, ەسىكتى جاۋىپ العان. كەيىن پوليتسيا كەلگەندە ءوز ەركىمەن بەرىلگەن.
قازىر كىسى ءولتىرۋ فاكتىسى بويىنشا قىلمىستىق ءىس قوزعالعان. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. وقيعانىڭ ءمان-جايى انىقتالىپ جاتىر. قر قپك-ءنىڭ 201-بابىنا سايكەس وزگە اقپارات جاريا ەتىلمەيدى.
