جاڭالىقتار
تەرگەۋ يزولياتورىندا وتىرعان «ديكي ارمان» ءوزىن-ءوزى جاراقاتتادى
فوتو: باس پروكۋراتۋرا
وقىس وقيعا تۋرالى اقپارات الدىمەن الەۋمەتتىك جەلىدە تارادى. «ديكي ارمان» لاقاپ اتىمەن تانىمال ارمان جۇماگەلديەۆتىڭ دەنساۋلىعىنا قاتىستى قر ءىىم قىلمىستىق-اتقارۋ جۇيەسىنىڭ كوميتەتى تۇسىنىكتەمە بەردى, دەپ حابارلايدى qandastar.kz Zakon.kz-كە سىلتەمە جاساپ.
الەۋمەتتىك جەلىدە 20 جىلعا سوتتالعان ارمان جۇماگەلديەۆتىڭ تامىرىن كەسۋگە تىرىسقانى تۋرالى اقپارات تارادى.
«اتالعان سوتتالۋشى وزىنە ازداعان دەنە جاراقاتتارىن كەلتىردى. مەديتسينالىق كومەك بىردەن كورسەتىلدى. سوتتالۋشىنىڭ دەنساۋلىعى قاناعاتتانارلىق دەڭگەيدە», دەپ حابارلادى قاجك ءباسپاسوز قىزمەتى.
سونداي-اق ارمان جۇماگەلديەۆ ايىرىقشا باقىلاۋدا ەكەنى, ونى مەكەمە پسيحولوگتارى قاراۋعا العانى ناقتىلانادى.
